Перагаворшчык Пуціна запосціў карцінку ў стылі «Сімпсанаў»: на ёй Украіну падзялілі Расія і Венгрыя
Кірыл Дзмітрыеў, які нарадзіўся ў Кіеве, прапанаваў сваім падпісчыкам у забароненым у Расіі інстаграме параўнаць яго творчасць з арыгіналам.
Спецпрадстаўнік Уладзіміра Пуціна Кірыл Дзмітрыеў апублікаваў у інстаграме карыкатуру ў стылі «Сімпсанаў» на ўчарашняе фота з Белага дома. На тым фота Уладзімір Зяленскі і Дональд Трамп стаяць перад картай Украіны, на якой адзначаныя акупаваныя Расіяй тэрыторыі.
На малюнку Дзмітрыева карта іншая: на ёй Украіны ўжо няма. Краіна падзеленая паміж Расіяй і Венгрыяй, у якіх з'явілася агульная мяжа.
«Якое фота лепшае?» — такое пытанне задаў расійскі перамоўшчык сваім падпісчыкам. Каментатары кінуліся наперабой хваліць «асаблівае пачуццё гумару» прадстаўніка Пуціна.
Цікава, што расійскі чыноўнік карыстаецца інстаграмам, якія расійскія ж улады забаранілі. На сайце і ў твітары Дзмітрыева няма спасылкі на гэтую старонку, аднак расійскія дзяржСМІ адзначаюць, што профіль сапраўдны.
Кірыл Дзмітрыеў нарадзіўся ў Кіеве, ва ўсякім разе раней у яго было ўкраінскае грамадзянства. Ён скончыў прэстыжныя амерыканскія ўніверсітэты Стэнфард і Гарвард, жыў і працаваў у Еўропе, дзе пабудаваў паспяховую кар'еру ў інвестыцыйным бізнэсе. У 2011 годзе Дзмітрыеў узначаліў Расійскі фонд прамых інвестыцый, створаны ўрадам.
Дзмітрыеў — адзін з ключавых расійскіх перамоўшчыкаў з ЗША. Яго называюць «чалавекам Пуціна». Дзмітрыеў быў членам расійскай дэлегацыі падчас перамоў Пуціна і Трампа на Алясцы.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
І неяк несамабытна. Трэба было посціць ў Аднакласніках, ШІ-малюнак ад Яндэкс Шэдэврум і з героямі Ваўком і Зайцам (хаця яны ж зняты з Тома і Джэры... і тут скрадзенае).
Але здаецца, не дапамагло не паглупець ў некаторых пытаннях.