Śviatłana Cichanoŭskaja sustrełasia ź lehiendarnym ukrainskim futbalistam Andrejem Šaŭčenkam
Sustreča adbyłasia ŭ Ńju-Jorku ŭ ramkach uručeńnia ŭznaharody Atlantic Council Global Awards, dzie byli kiraŭnik Mižnarodnaj fiederacyi futbołu Džani Infancina, prezident Francyi Emanuel Makron i prezident Arhienciny Chaŭjer Milej.
Śviatłana Cichanoŭskaja sustrełasia z Andrejem Šaŭčenkam — lehiendarnym ukrainskim futbalistam, uładalnikam Załatoha miača i prezidentam Ukrainskaj asacyjacyi futboła, paviedamiŭ «Našaj Nivie» daradca demakratyčnaj lidarki Dzianis Kučynski.
Sustreča adbyłasia ŭ Ńju-Jorku ŭ ramkach uručeńnia ŭznaharody Atlantic Council Global Awards, dzie byli kiraŭnik FIFA Džani Infancina, prezident Francyi Emanuel Makron i prezident Arhienciny Chaŭjer Milej.
Na cyrymonii Śviatłana Cichanoŭskaja razam ź Siarhiejem Cichanoŭskim i svaimi daradcami sustrełasia z Andrejem Šaŭčenkam. Jany praviali niekalki hadzin za adnym stałom padčas cyrymonii.
Cichanoŭskaja padziakavała Andreju Šaŭčenku za pryncypovuju pazicyju i padtrymku Ukrainy. Jana adznačyła jaho dziejnaść jak ambasadara dziaržaŭnaj inicyjatyvy UNITED24, jakaja sabrała miljony jeŭra na miedycynskija i humanitarnyja patreby, i jak pazaštatnaha daradcy prezidenta Ukrainy Uładzimira Zialenskaha.
Šaŭčenka adkryta padkreślivaje, što sport nie moža być pa-za palitykaj, i vystupaje za toje, kab rasijskija i biełaruskija praŭładnyja spartoŭcy byli adchilenyja ad mižnarodnych spabornictvaŭ.
Jon arhanizavaŭ razam z futbalistam Alaksandram Zinčankam Game4Ukraine u Łondanie, srodki ź jakoha pajšli na adnaŭleńnie škoły ŭ Čarnihaŭskaj vobłaści, a taksama ŭdzielničaje ŭ dabračynnych aŭkcyjonach i prahramach padtrymki ŭkrainskich dziaciej-biežancaŭ.
U razmovie z Andrejem pradstaŭniki Cichanoŭskaj taksama padkreślili, što ŭ Biełarusi ŭ 2020 hodzie šmat spartoŭcaŭ vystupili suprać dyktatury, admovilisia ŭdzielničać u łukašenkaŭskich turnirach i pakazali, što sport nie jość pa-za palitykaj. Tamu vielmi važna padtrymlivać i biełaruskich spartoŭcaŭ, jakija mieli mužnaść adkryta zajavić pra svaju pazicyju, adznačyŭ Dzianis Kučynski.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
Hetaksama možna kinuć klič - miedycyna nia moža być pa-za palitykaj, adukacyja nia moža być pa-za palitykaj, transpart, i t.d., vyklučyć ich ź mižnarodnych kantaktaŭ, zhańbić usich, chto tam zastaŭsia, i abviaścić pamahatymi antyčałaviečvha režymu, dy abkłaści pahardaj.
Heta nia pravilny padychod. Navat u kirunku Paŭnočnaj Karei taki padychod nie ŭžyvajecca, a taja kraina nie akupavanaja voraham, jak Biełaruś.
Režym robić usio, kab u krainie nie było nijakich volnych hramadzkich inicyjatyvaŭ, luby hołas niazhody dušycca, razhuł tyranii, tysiačy palitźniavolenych, paŭmiłjona biežancaŭ, a tych, chto nia źbieh, prapanujuć vo hnobić za maŭčańnie, prapanujuć ličyć ich saŭdzielnikami režymu (tut - spartoŭcaŭ), trymać ich u abstrukcyi...
A vy zmožacie im dapamahčy ? Aha, jak ža, prykład tysiačaŭ źniavolenych adkazvaje na pytańnie za vas, spadar Šaŭčenka...