Andrej Jarmak paśla vobšukaŭ i zvalnieńnia zajaviŭ, što pojdzie na front
«Ja — sumlenny i prystojny čałaviek, mianie zhańbili», — zajaviŭ były kiraŭnik Ofisa prezidenta Ukrainy.
Były kiraŭnik Ofisa prezidenta Ukrainy Andrej Jarmak paviedamiŭ, što idzie na front paśla taho, jak padaŭ u adstaŭku na fonie karupcyjnaha skandału i śledčych dziejańniaŭ Nacyjanalnaha antykarupcyjnaha biuro ŭ jahonym žylli. Pra heta jon zajaviŭ u kamientary amierykanskamu vydańniu New York Post, piša «Ukrainskaja praŭda»
«Ja idu na front i hatovy da lubych represij. Ja — sumlenny i prystojny čałaviek. Mianie zhańbili, i maju hodnaść nie abaranili, niahledziačy na toje, što ja znachodžusia ŭ Kijevie z 24 lutaha 2022 hoda. Ja nie chaču stvarać prablemy dla Zialenskaha — ja idu na front. Ja adčuvaju ahidu ad brudu, vylitaha na mianie, i jašče bolšuju ahidu vyklikaje adsutnaść padtrymki z boku tych, chto viedaje praŭdu», — skazaŭ jon.
U kamientary vydańniu Jarmak nie ŭdakładniŭ, u jakim padraździaleńni płanuje słužyć i kali mienavita nakirujecca ŭ zonu bajavych dziejańniaŭ. Paśla emacyjnaha paviedamleńnia jon pierastaŭ adkazvać na zvanki.
Pavodle danych ŚMI, vobšuki ŭ Jermaka źviazanyja z rasśledavańniem NABU spravy «Midas» pra karupcyju ŭ enierhietyčnaj śfiery.
Z-za adstaŭki Andreja Jermaka prezident Uładzimir Zialenski abnaviŭ skład pieramoŭnaj hrupy, jakaja hetymi vychadnymi maje sustrecca ŭ ZŠA sa śpiecpasłancam Donalda Trampa Styvam Uitkafam dla abmierkavańnia «mirnaha płana».
Pa słovach Zialenskaha, ukrainskuju delehacyju ŭznačalić načalnik Hienieralnaha štaba Andrej Hnataŭ. U hrupu taksama ŭvajšli pradstaŭniki Ministerstva zamiežnych spraŭ, raźviedki i sakratar Rady nacyjanalnaj biaśpieki i abarony Rustem Umieraŭ.
Andrej Jarmak padaŭ u adstaŭku z pasady kiraŭnika Ofisa prezidenta Ukrainy
Što viadoma pra vobšuki ŭ kiraŭnika Ofisa prezidenta Ukrainy Andreja Jermaka?
Da kiraŭnika Ofisa prezidenta Ukrainy Andreja Jermaka pryjšli z vobšukami
Kiraŭnik Ofisa Zialenskaha: Nichto nie pavinien raźličvać, što my addadzim terytoryju
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary