Pres-słužba Ministerstva pracy i sacyjalnaj abarony adkazała na samyja papularnyja pytańni pra pracu ŭ vychodnyja i śviatočnyja dni.
U Minpracy patłumačyli, ci maje prava najmalnik pryciahvać rabotnikaŭ da pracy ŭ vychodnyja i śviatočnyja dni. Zhodna z Pracoŭnym kodeksam, praca ŭ dziaržaŭnyja śviaty i niepracoŭnyja dni zabaronienaja, adnak isnujuć vyklučeńni.
Pryciahnieńnie da pracy ŭ vychodny dzień pavinna afarmlacca zahadam (rasparadžeńniem) najmalnika, u jakim pavinny być ukazanyja ŭmovy kampiensacyi. Za kožnuju hadzinu pracy ŭ śviatočnyja i vychodnyja dni praduhledžana dapłata. Pry ździelnaj apłacie pracy jana nie moža być nižej za ŭstanoŭlenyja ździelnyja rascenki, a pry pahadzinnaj — nie nižej za hadzinnyja taryfnyja staŭki (akłady).
Adnak isnujuć peŭnyja abmiežavańni pa častacie pryciahnieńnia da pracy ŭ vychodnyja. Zakanadaŭstvam ustanoŭlena, što na praciahu ŭsiaho kalandarnaha hoda rabotnik moža być zaniaty nie bolš jak u 12 vychodnych dzion.
Pieranosy pracoŭnaha času ŭstanaŭlivajucca ŭradam i źjaŭlajucca abaviazkovymi. Jany datyčacca tolki rabotnikaŭ ź piacidzionnym rabočym tydniem, dzie vychodnyja prypadajuć na subotu i niadzielu. Rabotnik nie maje prava admovicca ad pieranosu rabočaha dnia. Akramia taho, ź śviatočnaha niepracoŭnaha dnia nielha afarmlać pracoŭny adpačynak.
U Minpracy taksama rastłumačyli, ci treba adpracoŭvać pieranos rabočych dzion, kali rabotnik znachodziŭsia ŭ adpačynku abo na balničnym. Kali pieraniesieny dzień nie moh być rabočym z-za adpačynku, to adpracoŭvać jaho ŭ subotu nie patrabujecca.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu8
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2828
Kamientary