Ад прыватнікаў патрабуюць завесці ідэолага ў штаце — распыталі, што робяць кампаніі
Ідэолаг на дзяржаўных прадпрыемствах — даўно не навінка. А вось у многіх прыватнікаў лісты шчасця ад дзяржаўных органаў з патрабаваннем завесці ў штаце ідэолага выклікаюць здзіўленне — такая практыка пачалася з мінулага года.
Так, указанне наняць у штат ідэолага нядаўна прыйшло ў архітэктурную студыю ZROBIM architects, чым падзяліўся ў сацсетках адзін з сузаснавальнікаў Андрусь Бездар. Колькасць удзельнікаў каманды бюро — больш за 60 чалавек.
Падобны ліст прыйшоў і на прыватнае прадпрыемства, якое займаецца лекамі — пра гэта распавёў адзін з былых супрацоўнікаў.
«Нам прыйшоў загад ад Міністэрства аховы здароўя аб тэрміновым стварэнні прафсаюзнай ячэйкі. Усіх сабралі ў адным пакоі, зачытала той ліст жанчына з аддзела кадраў. Ну, давайце галасаваць. Усе тады прагаласавалі супраць, і мы разышліся».
Наступны ліст у кампанію прыйшоў праз месяцы два. Яго тон быў больш строгім.
«Там ужо настойліва раілася стварыць ячэйку для магчымасці працаваць далей. Мы зноў сабраліся, прагаласавалі — і зноў усе былі супраць».
Помстай за гэта стала рэкамендаваная ўласніку змена дырэктара і звальненні людзей, якіх раней затрымлівалі па палітычных артыкулах.
«Замест старога галоўнага інжынера прыйшоў «які трэба» дзядзька. Ён стаў і ідэолагам. Само сабой, і прафсаюз стварылі — ужо без усялякіх галасаванняў», — расказвае суразмоўца.
Яшчэ адзін супрацоўнік прыватнай кампаніі са сферы будаўніцтва распавёў, што ў лютым ім прыйшоў ліст з «просьбай» адсправаздачыцца пра наяўнасць ідэолага ў штаце.
«Гэта было дзіўна, бо нібыта мы самі павінны былі адчуць патрэбу ў такім спецыялісце, а ў нас як бы ўсе людзі рабочыя, працуюць фізічна (акрамя юрыста і бухгалтаркі). Калі зусім прыціснуць, то як кіраўнік я вазьму абавязкі ідэолага на сябе. Але на асобную адзінку, тым больш такую дармаедскую, у нас дакладна грошай лішніх няма. А дырэктару можна «спалучаць». Таксама ідэолагам могуць быць намеснікі ці чалавек з аддзела кадраў, як нам растлумачылі. Але ж я потым буду вымушаны нешта расказваць пра выкананую працу…» — у разгубленасці мужчына.
Дадаткова на прыватных прадпрыемствах працягваюць актыўна праводзіцца адзіныя дні інфармавання, дзе да работнікаў даносяць ідэалагічна правільную палітінфармацыю — найперш пра Лукашэнку і поспехі яго палітыкі.
Усё гэта — лукашэнкаўская дырэктыва №12 ад 9 красавіка 2025 года «Пра рэалізацыю асноў ідэалогіі беларускай дзяржавы» ў дзеянні. У тым жа 2025‑м першы намеснік адміністрацыі Уладзімір Пярцоў падкрэсліваў, што ідэалагічная праца мусіць распаўсюджвацца на ўсіх суб'ектаў гаспадаркі, незалежна ад формы ўласнасці.
«Прадстаўнікі прыватнага сектара таксама павінны ўлівацца ў ідэалагічную працу. Там павінны быць створаныя як мінімум прафсаюзныя арганізацыі ці ячэйкі грамадскіх аб'яднанняў і палітычных партый. Гэта нашы грамадзяне, і яны не павінны быць абмежаваныя ў гэтых правах», — даводзіў ён на нарадзе.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
У гэтай дзяржаве ўсё дагары нагамі: правамі называюць абавязкі, прафсаюзы прыціскаюць працоўных, з беспрацоўных бяруць грошы, абарона дзяцей праз адбіранне ў бацькоў, сацыяльная функцыя як антысацыяльная.
Объясните мне идеологию лукашенко и лукашистов, с ябатьками ?
У них нет ни идеи, ни задач, ни целей, ни понимания движения и направления движения страны ( не путаем личные, шкурные цели с национальными целями страны и Народа Беларуси).
Если под их целями понимать уничтожение всего национального, беларуского, уничтожение национальных интересов Народа Беларуси и интересов Национального Государства Беларусов, то они находятся на правильном пути, тогда понятно предназначение этих идеологов и почему они их, всюду, как затычек, пихают во все дыры.
То, что выдают за "идеологию" лукашенко, лукашисты, ябатьки, это - национальные интересы русских, России, русского мира России в Беларуси и шкурные интересы семейства лукашенок и их холуёв, и больше - НИ-ЧЕ-ГО!
Национальные смыслы беларусов подменены смыслами семейства лукашенок и смыслами русского мира России !