U Salihorsku aktyvistaŭ aštrafavali i vypuścili

U Salihorsku siońnia sudzili lidera supołki KCHP-BNF Aleha Boryna j moładzievaha aktyvista Alaksieja Vałabujeva. Im prysudzili štrafy – adnu j piać bazavych vieličyniaŭ adpaviedna.

Razhladała spravu aktyvistaŭ sudździa Valancina Łapina.

Spadary Boryn i Vałabujeŭ byli zatrymanyja 15 vieraśnia miascovymi milicyjantami. Na ich skłali pratakoły. Dziažurny Salihorskaha haradździełu ŭnutranych spravaŭ patłumačyŭ Radyjo Svaboda pryčynu zatrymańnia:

(Dziažurny:) «Ździejśnili drobnaje chulihanstva», – tut napisana. Niecenzurna łajalisia. 156-ty artykuł Administracyjnaha kodeksu».

Kaardynatar žanočaha ruchu Salihorsku Łarysa Nasanovič, jakaja prysutničała na sudovym razhladzie, paviedamiła padrabiaznaści:

(Nasanovič:) «Vałabujeŭ Alaksiej i Boryn Aleh svajoj viny nie pryznali. I sudździa pahadziłasia, što hetaje pytańnie treba vyrašać pry śviedkach».

Sudovaje pasiedžańnie pieranieśli na niekalki hadzinaŭ. U druhoj pałovie dnia sudździa vysłuchała milicyjantaŭ-śviedkaŭ i vyniesła verdykt: Alaksieju Vałabujevu – štraf piać bazavych vieličyniaŭ, Alehu Borynu – adnu bazavuju. Paśla hetaha abodvuch adpuścili. Ci zhodnyja aktyvisty z sudovym rašeńniem? Spadar Vałabujeŭ:

(Vałabujeŭ:) «Viadoma, nie. Ja prosta išoŭ pa vulicy. Mianie złavili pasiarod vulicy. Ničoha ja nie rabiŭ. Kali viartaŭsia z pracy, mnie adrazu zajavili, što ja nibyta zajmajusia narkotykami. Jany, darečy, byli ŭ cyvilnym. Vyrvali ŭ mianie telefon, dastali «simku» – jakoj, darečy, tak i nie viarnuli. Skazali, što niedzie zhubiłasia. Daviedaŭsia, što ŭ hety dzień byŭ aryštavany Źmicier Daškievič. Na nastupny dzień 16-ha ja źbiraŭsia pajechać u Miensk na fest, i, dumaju, što heta niejkaja takaja preventyŭnaja miera. Biezumoŭna, heta było pierad 16-ha zroblena».

Spadar Boryn taksama nia zhodny jak z rašeńniem sudu, tak i z zatrymańniem:

(Boryn:) «Heta prosta zamova ad kiraŭnictva. Moža, ź Miensku pajšła – na kolkaść čałaviek. A našy miascovyja vybrali, što heta my z Alaksiejem. Heta prosta falsyfikacyja, brudnaja. Budu pisać skarhu ŭ prakuraturu, tamu što nie vinavaty ni ŭ čym. Ja naahuł nie maciukajusia. A tut akazaŭsia złosnym «maciarščyńnikam».

Łarysa Nasanovič svaje ŭražańni ad siońniašniaha sudu padsumavała hetak:

(Nasanovič:) «Heta sprava palityčnaja. U nas niama inšaj dumki».

• 0
• 0
• 0
• 0
• 0
• 0