Kreml sprabuje skarystać palityčnuju situacyju ŭ ZŠA napiaredadni pramiežkavych vybaraŭ, kab nacisnuć na Vašynhton.
Uładzimir Zialenski pierakanany, što pytańnie zakančeńnia vajny — nie ŭ vychadzie Ukrainy z Danieckaj vobłaści. Pra heta jon skazaŭ žurnalistam padčas Bučanskaha samitu 31 sakavika, piša VVS.
«Pytańnie ŭ tym liku, što ciapier novyja ŭžo terminy, jany (rasijanie. — Red.) nazyvajuć amierykanskamu boku. Ja ździŭleny, što možna vieryć u heta. Prosta ździŭleny. Stolki hadoŭ, ščyra, i praciahvajecca historyja», — skazaŭ Uładzimir Zialenski žurnalistam.
Prezident Ukrainy adznačyŭ, što rasijanie havorać pra toje, što jany za dva miesiacy zachopiać Danbas, i tamu va Ukrainy jość hety čas, kab vyjści z rehijona, «tady vajna skončycca».
«Zaraz novyja terminy. Jany skazali (amierykanskamu boku — red.), što za dva miesiacy (heta apošniaja infarmacyja), za dva miesiacy jany zachopiać uschod našaj dziaržavy, cytujučy ich, zachopiać Danbas. Tamu va Ukrainy jość dva miesiacy, kab vyjści, i tady vajna skončycca», — skazaŭ Zialenski, słovy jakoha pryvodzić «Ukrinfarm».
«A kali Ukraina na praciahu dvuch miesiacaŭ nie vyjdzie, to Rasija zachopić Danbas, i potym buduć jašče inšyja ŭmovy», — dadaŭ Zialenski.
«Łahičnaje pytańnie, kali ich meta tolki Danbas, heta majo pytańnie našym amierykanskim kaleham, tady, kali jany zmohuć zachapić Danbas, dla čaho jany kažuć, što jany pojduć dalej, potym buduć inšyja ŭmovy. To bok pytańnie ŭsio ž taki nie Danbas», — adznačyŭ Zialenski.
Jon pierakanany, što rasijanie nie zmohuć ničoha zachapić za dva miesiacy i tamu cisnuć.
«Amieryka moža cisnuć na Rasiju. Siońnia Rasija ciśnie na Amieryku, tamu što nabližajecca momant midterm election (pramiežkavych vybaraŭ). Nabližajecca hety momant, zrazumieła, što ZŠA treba rabić roznyja kroki, unutranyja, palityčna źniešnija. My vielmi spadziajomsia na pierahavornym treku ŭsio ž taki viarnuć pytańnie ŭ łohiku, a nie ŭ emacyjnaść Rasii», — ličyć prezident Ukrainy.
Uładzimir Zialenski taksama anansavaŭ razmovu ŭ videafarmacie z amierykanskim bokam u sieradu, 1 krasavika.
Viadoma, što z ukrainskaha boku ŭ joj voźmie ŭdzieł sakratar SNBA Rustem Umieraŭ, z amierykanskaha — śpiecyjalny pasłańnik Trampa Styŭ Uitkaf i Džared Kušnier.
Zialenski adznačyŭ, što razmova budzie tyčycca taho, «dzie my», i padrychtoŭki da mahčymaj trochbakovaj sustrečy.
Kamientary
Vidavočna, što pytańnie nie ŭ Danbasie, a ŭ tym, zdolna li kiraŭnictva Ukrainy acanić situacyju i dypłamatyčnym šlacham vyrašać kanflikty. Toje, što ŭkrainskija sałdaty mohuć vyrašać kanflikty vajskovym šlacham ( i mohuć bodra) heta ŭžo zrazumieła ŭsiamu śvietu.
Pochožie na to, čto tramp sohłasien otdať vsiu Ukrainu putinu, radi utopii, čto on ottianiet jejo ot Kitaja, a jeśli točnieje to radi osvojenija 12 trillionov dołłarov, ot kriemlovskich, za 20 let, a ottiahivanije Rośsii ot Kitaja - prosto širma.
2) pry hetym ja vieru ŭ toje, što jak tolki Raška atrymaje poŭny kantrol nad Danbasam (nie važna, jakim čynam), to vajna sapraŭdy moža skončycca