U kitajskim Uchani bolš za sotniu bieśpiłotnych taksi adnačasova rezka spynilisia padčas ruchu
U kitajskim horadzie Uchań adbyŭsia masavy zboj u pracy bieśpiłotnych taksi, z-za jakoha bolš za sotniu aŭtamabilaŭ adnačasova spynilisia prosta na darohach i častkova sparalizavali ruch transpartu. Choć paciarpiełych u vyniku hetaha incydentu niama, niekalki aŭtamabilaŭ usio ž sutyknulisia z rezka spynienymi mašynami, paviedamlaje Wired.
Pryčynaj incydentu staŭ zboj u servisie bieśpiłotnych pieravozak Apollo Go. U niekatorych pasažyraŭ na ekranach źjaviłasia paviedamleńnie zastavacca ŭ mašynie i čakać supracoŭnika na praciahu piaci chvilin. Adnak u bolšaści vypadkaŭ dapamoha tak i nie prybyła.
Adna z pasažyrak raskazała, što aŭtamabil niekalki razoŭ spyniaŭsia padčas ruchu, a potym kančatkova zahłuch. Jana zmahła datelefanavacca ŭ słužbu padtrymki tolki praz paŭhadziny, a jašče praz hadzinu vyrašyła vyjści samastojna — dobra, što dźviery nie byli zabłakavanyja. Inšyja pasažyry praviali ŭnutry aŭtamabilaŭ kala dźviuch hadzin.
Uchań, u jakim žyvie bolš za 12 miljonaŭ čałaviek, źjaŭlajecca adnoj z hałoŭnych placovak dla testavańnia bieśpiłotnych taksi kampanii Apollo Go. Miascovyja ŭłady dazvalajuć hetym mašynam jeździć pa aŭtamahistralach i vykonvać pajezdki navat u aeraport, tamu takaja technałohija ŭžo šyroka ŭkaranionaja ŭ haradskuju infrastrukturu. Adnak hety vypadak staŭ pieršaj takoj maštabnaj pałomkaj servisu.
Sproba aštrafavać bieśpiłotnaje aŭto za niezakonny razvarot pastaviła amierykanskuju palicyju ŭ tupik
U Biełaruś pryjechała delehacyja «Jandeksa». Chočuć zapuścić u nas bieśpiłotnaje taksi
Budučynia nastupiła: Kitaj płanuje raźvivać latajučy bieśpiłotny transpart
Iłan Mask prezientavaŭ taksi-bieśpiłotnik — biez rula i piedalaŭ
U Vialikabrytanii prajšli vyprabavańni pieršaha aerataksi
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary