У кітайскім Ухані больш за сотню беспілотных таксі адначасова рэзка спыніліся падчас руху
У кітайскім горадзе Ухань адбыўся масавы збой у працы беспілотных таксі, з-за якога больш за сотню аўтамабіляў адначасова спыніліся проста на дарогах і часткова спаралізавалі рух транспарту. Хоць пацярпелых у выніку гэтага інцыдэнту няма, некалькі аўтамабіляў усё ж сутыкнуліся з рэзка спыненымі машынамі, паведамляе Wired.
Прычынай інцыдэнту стаў збой у сэрвісе беспілотных перавозак Apollo Go. У некаторых пасажыраў на экранах з’явілася паведамленне заставацца ў машыне і чакаць супрацоўніка на працягу пяці хвілін. Аднак у большасці выпадкаў дапамога так і не прыбыла.
Адна з пасажырак расказала, што аўтамабіль некалькі разоў спыняўся падчас руху, а потым канчаткова заглух. Яна змагла датэлефанавацца ў службу падтрымкі толькі праз паўгадзіны, а яшчэ праз гадзіну вырашыла выйсці самастойна — добра, што дзверы не былі заблакаваныя. Іншыя пасажыры правялі ўнутры аўтамабіляў каля дзвюх гадзін.
Ухань, у якім жыве больш за 12 мільёнаў чалавек, з’яўляецца адной з галоўных пляцовак для тэставання беспілотных таксі кампаніі Apollo Go. Мясцовыя ўлады дазваляюць гэтым машынам ездзіць па аўтамагістралях і выконваць паездкі нават у аэрапорт, таму такая тэхналогія ўжо шырока ўкаранёная ў гарадскую інфраструктуру. Аднак гэты выпадак стаў першай такой маштабнай паломкай сэрвісу.
Спроба аштрафаваць беспілотнае аўто за незаконны разварот паставіла амерыканскую паліцыю ў тупік
У Беларусь прыехала дэлегацыя «Яндэкса». Хочуць запусціць у нас беспілотнае таксі
Будучыня наступіла: Кітай плануе развіваць лятаючы беспілотны транспарт
Ілан Маск прэзентаваў таксі-беспілотнік — без руля і педаляў
У Вялікабрытаніі прайшлі выпрабаванні першага аэратаксі
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках19
Каментары