Baksior Jan Chielin, jaki vystupaŭ za Bielhiju, pierajedzie ŭ Biełaruś
25‑hadovy baksior Jan Chielin, jaki maje padvojnaje hramadzianstva, u lipieni pakinie Bielhiju, kab praciahnuć karjeru ŭ Biełarusi. Pra heta napisała vydańnie DH Les Sports+, zaŭvažyła «Lusterka».
Vydańnie adznačaje, što taki vybar nie vyhladaje niečakanym, kali ŭličvać, što Biełaruś — radzima maci Chielina, i ŭ spartsmiena tam jość svajaki. Značna bolš prykmietnaj stała pryčyna pierajezdu.
«Tam u mianie budzie bolš mahčymaściaŭ dla raźvićcia karjery. Tut u mianie niama prafiesijnaha kantrakta, jak u spartsmiena vysokaha ŭzroŭniu, niama inšaj padtrymki, akramia asabistych sponsaraŭ, i mnie amal niemahčyma vyjści na novy ŭzrovień. Kali ja chaču realizavać uvieś svoj patencyjał, mnie treba źjechać», — adznačyŭ baksior.
Vydańnie piša, što dla bielhijskaha boksa takaja situacyja vyhladaje vielmi sumna. Jan Chielin znachodzicca na ŭzdymie: letaś u listapadzie jon udzielničaŭ u čempijanacie Jeŭropy, dzie sastupiŭ francuzu Miłanu Pratu, i ličycca adnym z najmacniejšych pradstaŭnikoŭ krainy na mižnarodnaj arenie.
«U Bielhii vielmi chutka ŭpiraješsia ŭ šklanuju stol. U Biełarusi ja viedaju, što vakoł mianie budzie dobraja kamanda. U mianie navat budzie vybar miescaŭ dla trenirovak i mahčymaść pracavać u sparynhach ź inšymi baksiorami. U Bielhii, na žal, zanadta mocny miestačkovy padychod, mała adkrytaści, a treniroŭki časta prachodziać pa-staromu. Tamu baksior tut chutka dasiahaje miažy mahčymaściaŭ», — kaža Chielin.
Całkam adnaviŭšysia paśla niadaŭniaha pierałomu skivicy, Jan Chielin vyrašyŭ hetuju miažu pieraadoleć.
«Ale ja, viadoma, nie razryvaju ŭsie suviazi ź Bielhijaj. Spadziajusia naładzić supracoŭnictva pamiž dźviuma krainami, mahčyma, u vyhladzie sumiesnych zboraŭ dla bielhijskich i biełaruskich baksioraŭ, kab heta pryniesła karyść jak maha bolšaj kolkaści ludziej», — padahulniŭ spartsmien.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy55
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary