Brasłaŭski rajonny vykanaŭčy kamitet skasavaŭ svajo ŭłasnaje rašeńnie «Ab arhanizacyi i praviadzieńni Mižnarodnaha śviata tradycyjnaj kultury «Brasłaŭskija zarnicy», zaŭvažyła «Radyjo Svaboda».
Jak adznačajecca ŭ apublikavanym 16 krasavika na Nacyjanalnym pravavym internet-partale Biełarusi rašeńni, uchvalenym 11 sakavika, jano było ŭzhodniena ź inšymi arhanizatarami fiestyvalu — Ministerstvam kultury, Viciebskim abłvykankamam, Viciebskim abłasnym mietadyčnym centram narodnaj tvorčaści i Brasłaŭskim rajonnym abjadnańniem muziejaŭ.
Admietna, što na sajcie Brasłaŭskaha rajvykankama dahetul zastajecca abviestka, u jakoj da ŭdziełu ŭ fiestyvali, jaki pavinien byŭ prajści sioleta 22—24 maja, zaprašajuć pradstaŭnikoŭ inšych krain. Zajavy na ŭdzieł prymali da 1 sakavika.
«Brasłaŭskija zarnicy» viaduć svaju historyju z 1967 hoda, a z 2009‑ha fiestyval nabyŭ status mižnarodnaha. U im tradycyjna ŭdzielničali tancory, muzyki, vykanaŭcy piesień z roznych rehijonaŭ Biełarusi, Rasii, Ukrainy, Litvy, Łatvii, Polščy, Estonii.
U miežach fiestyvalu z 2012 hoda pravodzili i śviata siaredniaviečnaj kultury «Mieč Bračysłava». Biełaruski bok kampiensavaŭ udzielnikam usie transpartnyja vydatki, zabiaśpiečvaŭ charčavańnie. Płanavałasia, što sioleta prahramu «Brasłaŭskich zarnic» adkryje tysiačny zvodny chor.
Pierad hetym stała viadoma, što ŭ Biełarusi skasavali adrazu čatyry bujnyja fiestyvali — Festiwow u Minsku, niaśvižski Wostrau, «Soncastajańnie» ŭ Pružanach i Lidbeer u Lidzie. Hetym letam u krainie projduć tolki adzinkavyja fiestyvali. U tym ža Brasłavie na 24—25 lipienia zapłanavali fiestyval Viva Braslav, arhanizatar jakoha — pryvatnaja kampanija «Leveł hrup».
U Biełarusi adzin za adnym admianiajuć fiestyvali. U čym pryčyna?
«Niama mahčymaści dalej ciahnuć biaspłatny farmat». Fiestyval Tutaka ŭpieršyniu budzie brać hrošy za ŭvachod
«Da apošniaha vieryli, što atrymajem dazvoł». Admianili jašče adzin muzyčny fiestyval
Fiestyvalu Lidbeer sioleta nie budzie
Łukašenka ŭvioŭ tradycyjny biaźviz na «Słavianski bazar»
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary