Rasija ciapier nie trymaje na terytoryi Biełarusi vialikich vajskovych sił — Dziaržpahransłužba Ukrainy
Śpikier Dziaržpahransłužby Ukrainy Andrej Dziemčanka zajaviŭ, što ŭkrainskija pamiežniki nie fiksujuć na terytoryi Biełarusi pieramiaščeńnia techniki abo padciahvańnia da miažy vojskaŭ, piša «Ukrinfarm».
«Padciahvańnia vojskaŭ niama. Jašče z 2022 hoda Biełaruś trymaje na asobnych kirunkach svaje padraździaleńni. Tady jany zajavili, što heta z metaj uzmacnieńnia svajoj biaśpieki, bo čakajuć niejkich dziejańniaŭ z boku Ukrainy, choć Ukraina nikoli nie pahražała Biełarusi i nie płanuje ździajśniać takija dziejańni.
Tamu jość tyja padraździaleńni, jakija Biełaruś i da hetaha trymała na kirunku našaj miažy. Jany ratujucca, źmianiajucca, ažyćciaŭlajucca ich pieramiaščeńni, ale naroščvańnia navat hetych padraździaleńniaŭ nie adbyvajecca»,
— adznačyŭ Dziemčanka ŭ teleefiry.
Pavodle jaho słoŭ, nie adbyvajecca ŭ niepasrednaj blizkaści da miažy i pieramiaščeńnia techniki. «Infarmacyjna nahniatajučy, u svoj čas jany [Biełaruś] zajaŭlali pra stvareńnie Paŭdniovaha apieratyŭnaha kamandavańnia jakraz pa kirunku miažy z Ukrainaj. U miežach hetaha mohuć i ŭładkoŭvacca pazicyi, palihony i padjaznyja šlachi», — zaŭvažyŭ pradstaŭnik Dziaržpahransłužby Ukrainy.
Jon dadaŭ, što ciapier Rasija nie trymaje na terytoryi Biełarusi vialikich sił, u tym liku piachotnych padraździaleńniaŭ, jakija mahli b ździejśnić paŭtornaje ŭvarvańnie va Ukrainu.
U toj ža čas, pavodle słoŭ Dziemčanki, nielha vyklučać niejkich pravakacyjnych dziejańniaŭ, u tym liku z metaj adciahvańnia ŭkrainskich sił na hety kirunak z bolš važnych.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy71
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary
Nahadaju svoj kamient ...iaki vyklikał abureńnie ši - botaŭ))))