Z apošniaha — paśla pjanki skraŭ aŭto ŭ pryjaciela ŭ Minsku i pajechaŭ u Navahrudak.
34‑hadovy biespracoŭny minčuk 12 razoŭ pryciahvaŭsia da kryminalnaj adkaznaści za majomasnyja złačynstvy, piša ahienctva «Minsk-Naviny».
Voś tolki apošnija jaho pryhody.
U žniŭni 2025 hoda jon pryjšoŭ u hości da znajomaha, jaki žyvie na vulicy Alšeŭskaha. Mužčyny vypivali. Kali haspadar kvatery vyjšaŭ z pakoja, hość skraŭ sa škatułki SIM-kartu i załaty piarścionak koštam bolš za 2500 rubloŭ. Taksama jon prychapiŭ klučy ad aŭtamabila, jakija lažali na kamodzie.
Źniknieńnie rečaŭ haspadar amal adrazu zaŭvažyŭ, ale hość zapeŭnivaŭ, što ničoha nie braŭ, i navat zrabiŭ vyhlad, što šukaje piarścionak i klučy. Raźvitaŭšysia z pryjacielem, zładziužka pajšoŭ da pryparkavanaha ŭ dvary Kia Rio, zavioŭ jaho skradzienym klučom i pjanym pajechaŭ u Navahrudak.
Varta adznačyć, što raniej mužčyna nieadnarazova pryciahvaŭsia da administracyjnaj adkaznaści za jazdu za rulom biez pravoŭ. I na hety raz paśviedčańnia kiroŭcy ŭ jaho nie było — pazbaviŭsia jaho za pjaŭnuju jazdu.
Praz dva miesiacy minčuk abrabavaŭ dziaŭčynu — skraŭ z kišeni jaje futra 40 rubloŭ.
U dačynieńni da mužčyny zaviali čarhovuju kryminalnuju spravu, jaho abvinavačvali adrazu pa čatyroch kryminalnych artykułach — č. 2 art. 205 KK (kradziež), č. 2 art. 214 KK (uhon aŭto), č. 1 art. 317‑2 KK (kiravańnie aŭto biez pravoŭ) i č. 2 art. 206 KK (hrabiež).
Niadaŭna prajšoŭ sud. Mužčynu dali šeść hadoŭ pazbaŭleńnia voli va ŭmovach strohaha režymu. Akramia taho, minčuk pavinien prajści prymusovaje lačeńnie ad chraničnaha ałkahalizmu.
-
«Siamiejka sa Smalenska. Kryčali, što im treba jechać». Pjany pasažyr pabiŭsia z achoŭnikami minskaha mietro
-
Skončyŭ žyćcio samahubstvam chłopiec z Maładziečna, jaki pierad viasiellem zrabiŭ svajoj niavieście tatuiroŭku, ad čaho jana pamierła
-
SK paćvierdziŭ śmierć 18‑hadovaha chłopca na stadyjonie ŭ Minsku
Kamientary