Abrezaŭ vałasy maci i prymušaŭ jaje ich źjeści. Vyniesieny prysud
U Vaŭkavyskim rajonie asudzili žychara ahraharadka Dubaŭcy, jaki ŭłasnaručna ledź nie zabiŭ svaju 80‑hadovuju maci.
Usio pačałosia jašče 19 śniežnia minułaha hoda. Pjany 44‑hadovy syn zapatrabavaŭ u maci hrošy na ałkahol, a kali taja admoviła, pačaŭ źbivać stałuju žančynu pa hałavie, syplučy abrazami i pahrozami. Na nastupny dzień situacyja paŭtaryłasia: znoŭ pjany skandał, patrabavańnie hrošaj i žorstkaje źbićcio. Paśla hetaha syn prosta syšoŭ z kvatery, pakinuŭšy źniaviečanuju maci lažać biezdapamožnaj na padłozie.
«Viarnuŭšysia na nastupny dzień, jon znajšoŭ jaje na padłozie na tym ža miescy. Kali žančyna pačała paŭźci da stacyjanarnaha telefona dla vykliku dapamohi, abvinavačany ŭziaŭsia rukami za mižpakajovyja dźviery i ź siłaj staŭ ich začyniać, naniosšy ŭdary pa nazie paciarpiełaj.
Zatym jon abrezaŭ kancylarskimi nažnicami vałasy maci, jakija staŭ zapichvać joj u rot z patrabavańniem źjeści, paśla čaho nanios pa hałavie ŭdary humovym tapkam z draŭlanaj kałodkaj», — paviedamili padrabiaznaści ŭ prakuratury.
Paśla čarhovych ździekaŭ jon znoŭ źnik, pakinuŭšy maci ŭ krytyčnym stanie. 22 śniežnia ledź žyvuju piensijanierku znajšli susiedzi i vyklikali chutkuju. Miedyki vyjavili ŭ žančyny zakrytuju ČMT, množnyja pierałomy rebraŭ, levaj ściehnavoj kostki, cialesnyja paškodžańni hałavy, tułava, ruk i noh.
Sud paličyŭ takija dziejańni nie prosta źbićciom, a naŭmysnym pryčynieńniem ciažkich kalectvaŭ z asablivaj žorstkaściu i ździekami.
Vynik — 9 hadoŭ pazbaŭleńnia voli ŭ kałonii ŭzmocnienaha režymu. Prysud nie ŭstupiŭ u siłu i moža być abskardžany.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach28
Kamientary