Palitviaźnia Uładzimira Knihu treci raz buduć sudzić za «złosnaje niepadparadkavańnie» ŭ kałonii
Raniej jamu ŭžo dvojčy dadavali pa hodu źniavoleńnia.
U sudzie Mazyrskaha rajona 20 maja palitviaźnia Uładzimira Knihu treci raz buduć sudzić za «złosnaje niepadparadkavańnie zakonnym patrabavańniam administracyi kałonii» (č. 1 art. 411 KK), piša «Kraina dla žyćcia».
Nahadajem, byłoha siłavika i vałanciora kamandy zatrymali 4 červienia 2020 hoda. Na sudzie jon, jak i ŭsie, nie pryznaŭ vinu i zajaviŭ, što padziei 29 maja 2020 hoda na płoščy Savieckaj u Hrodnie padčas zboru podpisaŭ za Śviatłanu Cichanoŭskuju — pravakacyja siłavych viedamstvaŭ Biełarusi.
U vyniku Uładzimira asudzili da čatyroch hadoŭ kałonii pavodle art. 342 KK (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich) i art. 364 KK (hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ).
Kamientary