Žycharku Maładziečna, jakaja vyjšła ź bieł-čyrvona-biełym ściaham u pieršyja dni vajny, asudzili da 3 hadoŭ kałonii
48‑hadovuju Volhu Barunovu abvinavacili adrazu pa čatyroch palityčnych artykułach.
Volzie Barunovaj z Maładziečna 47 hadoŭ. Z 2009 pa 2011 jana mieła IP pa roźničnym handli. Paśla niejki čas pracavała ŭ Rasii.
Žyćcio Volhi kruta źmianiłasia ŭ lutym 2022 hoda. Ranicaj u dzień pačatku poŭnamaštabnaj vajny va Ukrainie jana vyjšła ŭ Maładziečna na adzinočny pikiet. Kala 11‑j hadziny žančyna stała na darozie kala kramy na Vialikim Haścincy ź bieł-čyrvona-biełym ściaham. Prykładna praz 15 chvilin na miesca pryjechali siłaviki i schapili jaje.
Volhu paŭtorna zatrymali ŭ lutym 2025 hoda i źmiaścili ŭ SIZA. Jaje sudzili niekalki miesiacaŭ tamu.
Hrodzienski abłasny sud pryznaŭ Barunovu vinavataj adrazu pa niekalkich kryminalnych artykułach. Siarod ich — abraza Łukašenki (č. 1 art. 368 KK), abraza pradstaŭnika ŭłady (art. 369 KK), raspalvańnie varožaści (č. 1 art. 130 KK), a taksama sadziejničańnie ekstremisckaj dziejnaści (č. 1 i 2 art. 361‑4 KK).
Pa źviestkach Dissidentby, žančynie prysudzili 3 hady pazbaŭleńnia voli ŭ kałonii.
«Naša Niva» — bastyjon biełaruščyny
PADTRYMAĆCiapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca13
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Čarhovaje złačynstva suprać čałaviectva jakoje nie maje terminu daŭniny.
Adkaznaść niasuć śledčyja, sudzi, prakurory, tak zvany MUS i KDB.