Braty-słavianie svajho nie papuścili: Słavienija – Ałžyr 1:0.
Braty-słavianie svajho nie papuścili: Słavienija – Ałžyr 1:0.
Udzień, 13 červienia, prajšoŭ druhi matč pieršaha turu ŭ hrupie «S». Zbornaja Słavienii minimalna pieramahła Ałžyr ź likam 1:0. Na 79-j chvilinie adziny hoł u sustrečy zabiŭ paŭabaronca anhlijskaha «Uest Bromviča», jaki (kłub) viarnuŭsia sioleta ŭ premjer-lihu, Robert Koren.
Abiedźvie kamandy praktykujuć abarončy futboł.
Ałžyrcy daminavali bolšuju častku matča, adnak słaviency jomka vykarystali adzin sa svaich niešmatlikich šancaŭ. Udar byŭ niachitry, ale hałkipier spudłavaŭ.
Paspryjała tamu vydaleńnie Abdelkadera Hiezala za dźvie žoŭtyja kartki. Jon byŭ vyjšaŭ na zamienu na 59-j chvilinie, ale pravioŭ na poli ŭsiaho-tki čverć hadziny.
Darečy, historyki ćvierdziać, što słavienskaje plemia paŭtary tysiačy hadoŭ tamu vyrušyła ŭ mihracyju adniekul z rajona Biełaviežskaj puščy. I moža być, heta adzin z najbližejšych da biełarusaŭ narodaŭ.
Nahadajem, učora ŭ hetaj ža hrupie zbornyja Anhlii i ZŠA zhulali ŭničyju – 1:1.
Paśla 1 turu: Słavienija – 3, Anhlija, ZŠA – 1, Ałžyr – 0.
U 2-m tury ŭ piatnicu Słavienija zhulaje z ZŠA (17:00), a Anhlija – z Ałžyram (21:30).
Zaraz u baraćbu ŭstupajuć zbornyja hrupy «D».
A 17-j pačniecca matč Sierbija – Hana (jaho tranśluje telekanał «Ład»), u 21:30 – Niamieččyna – Aŭstralija.
Byłoha supracoŭnika kontrraźviedki KDB aryštavali za zdradu dziaržavie9
Kamientary