U balnicy ŭ Partuhalii na 76‑m hodzie žyćcia pamierła valijskaja śpiavačka Boni Tajler (sapraŭdnaje imia — Hiejnar Chopkins), suśvietna viadomaja svaim chrypatym hołasam i supierchitom 1980‑ch Total Eclipse of the Heart.
Paviedamlajecca, što z maja hetaha hoda śpiavačka znachodziłasia ŭ ciažkim stanie i była ŭviedziena ŭ štučnuju komu paśla ekstrannaj apieracyi na kišečniku. Niahledziačy na toje, što paźniej jana pryjšła da prytomnaści, Tajler zastavałasia ŭ reanimacyi, dzie i skanała.
Hiejnar Chopkins naradziłasia ŭ 1951 hodzie ŭ horadzie Nit (Uels) u šmatdzietnaj muzyčnaj siamji. Ź dziacinstva jana zachaplałasia rok-muzykaj, a jaje karjera pačałasia ź siami hadoŭ vystupaŭ u miascovych rehbijnych i rabočych kłubach.
U 1977 hodzie vyjšaŭ jaje pieršy paśpiachovy sinhł Lost in France, paśla jakoha jaje zaprasili na kultavaje šou Top of the Pops. Praź śpiecyfičny nizki i chrypły tembr Boni časta nazyvali «Rodam Ściuartam u spadnicy».
Hałoŭny praryŭ u karjery śpiavački adbyŭsia praź piać hadoŭ dziakujučy supracoŭnictvu z kampazitaram Džymam Stajnmanam. Pryniesieny im trek Total Eclipse of the Heart (1983) u aryhinale doŭžyŭsia 8 chvilin, adnak skaročanaja dla radyjo 4‑chvilinnaja viersija imhnienna ŭzarvała suśvietnyja čarty, uznačaliŭšy chit-parady Vialikabrytanii i ZŠA. Siońnia hetaja pieśnia maje bolš za miljard strymaŭ na Spotify i 1,3 miljarda prahladaŭ na YouTube.
Za svaju 50‑hadovuju karjeru Boni Tajler trojčy naminavałasia na premiju «Hremi».
U 2013 hodzie pradstaŭlała Vialikabrytaniju na konkursie «Jeŭrabačańnie».
U 2022 hodzie była ŭklučana ŭ apošni śviatočny śpis uznaharodžanych karalevy Lizaviety II, a ŭ 2023 hodzie prync Uiljam uručyŭ joj Orden Brytanskaj impieryi.
Boni Tajler była zamužam za Robiertam Salivanam, dziaciej u šlubie nie było. Apošnija hady jany žyli na dźvie krainy — u rodnym Uelsie i ŭ Partuhalii, dzie i abarvałasia žyćcio zorki.
-
Były hruzčyk ź biełaruskaj vioski akazaŭsia davieranaj asobaj kiraŭnika rasijskaha Śbierbanka Hiermana Hrefa
-
Zastaŭsia tolki miesiac, kab padać zajaŭku na try prestyžnyja prahramy navučańnia i prafiesijnaha raźvićcia ŭ ZŠA
-
ZŠA pačali novuju chvalu ŭdaraŭ pa Iranie paśla zajaŭ Trampa pra zaviaršeńnie pieramirja
Ciapier čytajuć
Biełarus-hruzčyk, jaki staŭ asabistym pamočnikam i davieranaj asobaj kiraŭnika rasijskaha Śbierbanka Hiermana Hrefa, sapraŭdy isnuje4
Kamientary
P.S. RIP Bonnie...
Jaje hołas z chrypactoj vielmi j vielmi byŭ nia kiepski
Sychodziać ludzi staroj epochi sapraŭdnaha roka