Bol fanataŭ kamandy Parahvaja nie ścichaje — jany spalili pudziła Mbape
Dla zbornaj Parahvaja čempijanat śvietu pa futbole zaviaršyŭsia na stadyi 1/16 finału paśla paražeńnia ad Francyi, adnak haračyja paŭdniovaamierykanskija balelščyki dahetul nie mohuć źmirycca ź niaŭdačaj.
Napružańnie pamiž krainami spačatku vyliłasia ŭ rasiscki skandał sienatara Sielesty Amarylji z Kilijanam Mbape — prezidentu Parahvaja navat pryjšłosia prasić prabačeńnia pierad Emanuelem Makronam.
A ciapier fanaty pierajšli da radykalnych tradycyjnych rytuałaŭ.
Padčas narodnych hulańniaŭ na dzień Śviatoha Ivana ŭ Asunśjonie zaŭziatary spalili pudziła z podpisam imia francuzskaha forvarda.
TREMENDO: Los paraguayos eligieron a Mbappé como la figura del Judas Kai para quemar en las fiestas de San Juan, lo que desató todo tipo de comentarios en las redes sociales pic.twitter.com/BxJ4jIzWvU
Zhodna z parahvajskim zvyčajem, miascovyja žychary štohod vybirajuć piersanaža na rolu «Judy Kai» — lalki, nabitaj ryźziom i hazietami, jakaja simvalizuje biblejskaha zdradnika Iudu Iskaryjota.
U sučasnaj traktoŭcy na hetuju rolu pryznačajuć realnych ludziej, jakija bolš za ŭsich «nasalili» narodu ci vyklikali hramadskaje abureńnie za minuły hod. Sioleta takim kalektyŭnym voraham abrali Mbape.
Parahvajcy paličyli pavodziny Mbape padčas matča niepavažlivymi da ich zbornaj. Paśla finalnaha śvistka Mbape admoviŭsia pacisnuć ruku parahvajskamu bramniku Arłanda Chilu, za što toj kinuŭ francuzu miač u śpinu. Pry hetym u futbolnych kołach mnohija ličać, što pravakacyjna i hruba na poli pavodzili siabie mienavita parahvajskija futbalisty, a dziejańni francuza byli tolki adkazam na heta.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam17
Kamientary