«Cotny-niacotny». U Rasii vynachodziać usio chitrejšyja schiemy prodažu bienzinu
U niekalkich rehijonach Rasii na fonie deficytu bienzinu ŭviedzieny novyja abmiežavańni na jaho prodaž. Z 9 lipienia ŭ Astrachanskaj, Nižaharodskaj abłaściach i Mardovii paliva adpuskajuć pa schiemie «cotny-niacotny»: u cotnyja dni miesiaca zapraŭlajucca aŭtamabili z cotnaj apošniaj ličbaj numarnoha znaka, u niacotnyja — ź niacotnaj, piša Ruskaja słužba Bi-bi-si.
Padobnyja miery taksama płanujuć uvieści ŭ Pskoŭskaj, Lipieckaj i inšych abłaściach.
Ułady tłumačać heta nieabchodnaściu źmienšyć čerhi na aŭtazapraŭkach i bolš raŭnamierna raźmierkavać deficytnaje paliva. U niekatorych rehijonach dadatkova ŭstanoŭlenyja limity na zapraŭku, a prodaž bienzinu ŭ kanistry zabaronieny.
U Nižaharodskaj vobłaści taksama płanujuć vyprabavać sistemu prodažu bienzinu pa QR-kodach. Miarkujecca, što jana dazvolić harantavać kožnamu aŭtaŭładalniku mahčymaść atrymać peŭny abjom paliva ŭ vyznačany čas na kankretnaj zapraŭcy. Raniej takuju sistemu ŭžo ŭviali ŭ Čycie i akupavanym Sievastopali.
Jak śćviardžajuć rasijskija ŭłady, deficyt bienzinu źviazany ź pierabojami ŭ pracy naftapierapracoŭčych zavodaŭ, siezonnym rostam popytu i ažyjatažam siarod spažyŭcoŭ. Šerah rehijonaŭ užo ŭvioŭ režym pavyšanaj hatoŭnaści, a ŭ akupavanym Krymie abvieščana nadzvyčajnaja situacyja.
Na fonie hetaha kryzisu Kazachstan uzmacniŭ kantrol na miažy, kab praduchilić niezakonny vyvaz paliva ŭ Rasiju. Pavodle infarmacyi kazachstanskich siłavikoŭ, z pačatku hoda byli zatrymanyja sotni aŭtamabilaŭ z dadatkovymi paliŭnymi bakami, pryznačanymi dla kantrabandy bienzinu.
Čarhovaja ataka BPŁA na Rasiju — harać dźvie naftabazy, u Tahanrohskim zalivie paškodžany tankiery
Rasija ŭviała poŭnuju zabaronu na ekspart dyzielnaha paliva
Dla pastavak u Krym paliva rasijanie vykarystoŭvajuć cysterny dla vady i małaka
Prapahandystka Simańjan zaklikała rasijan supakoicca nakont deficytu bienzinu i nahadała, što jość jašče praduktovyja kartki
Najbujniejšy NPZ Rasii spyniŭ pracu paśla ataki bieśpiłotnika
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary
i bienzin nie połahajecca, ježieli jeŝio nie pokocali, to možno i naliť :D