Niedaloka ad aŭstryjskaha horada Imst, što ŭ fiederalnaj ziamli Cirol, u aŭtamabilnym tuneli adbyłasia avaryja z udziełam hruzavika, jakim kiravaŭ biełarus. Pra heta paviedamiła miascovaja palicyja, piša sajt «Biełaruś i mir».
DTZ zdaryłasia ŭ čaćvier 2 lipienia dniom kala 12:10 u Ropienskim tuneli na aŭtabanie A12, dzie z-za darožnych rabot ruch ažyćciaŭlaŭsia pa adnoj trubie.
Fura pad kiravańniem 42‑hadovaha biełarusa nakiroŭvałasia ŭ bok horada Brehienc, u toj čas jak lehkavy aŭtamabil z 60‑hadovym aŭstryjcam za rulom — u inšy bok.
Z pakul nieviadomych pryčyn lehkavik vyjechaŭ na sustrečnuju pałasu i sutyknuŭsia z paŭpryčepam aŭtaciahnika, paśla čaho jaho zaniesła i raźviarnuła ŭpopierak prajeznaj častki.
Aŭstryjec atrymaŭ traŭmy nieŭstanoŭlenaj stupieni ciažkaści i paśla akazańnia pieršaj dapamohi byŭ dastaŭleny na chutkaj u balnicu horada Zams. Biełarus nie paciarpieŭ.
Abodva transpartnyja srodki atrymali značnyja paškodžańni. Tunel byŭ zakryty prykładna da 14:00 na čas praviadzieńnia ačyščalnych rabot. Ruch arhanizavali ŭ abjezd.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki32
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary