Kataliki prosiać pamalicca ab vyzdaraŭleńni arcybiskupa emeryta Tadevuša Kandrusieviča
Dyrektar partała Biełaruskaha kaścioła Catholic.by prosić pamalicca ab vyzdaraŭleńni arcybiskupa emeryta Tadevuša Kandrusieviča
«Stan zdaroŭja arcybiskupa Tadevuša Kandrusieviča stabilizavany, ale jamu patrebna naša duchoŭnaja padtrymka», — kanstatuje dyrektar partała Catholic.by ksiondz Pavieł Ejsmant, prosiačy ab malitvie za jaho vyzdaraŭleńnie padčas prachodžańnia im reabilitacyi paśla apieracyi.
Hodny ijerarch, jaki, niahledziačy na svaje 80 hadoŭ i surjoznuju chvarobu, zastajecca vielmi aktyŭnym u śfiery dušpastyrstva, naviedvajučy ŭračystaści ŭ roznych parafijach Biełarusi. 22 lipienia byŭ terminova špitalizavany ŭ adzin sa špitalaŭ Minska pa pryčynie drennych vynikaŭ daśledavańnia serca. Adnak, amal dva tydni znachodžańnia tam istotnaha palapšeńnia jaho zdaroŭja nie prynieśli. Tamu jon byŭ dastaŭleny ŭ RNPC Kardyjałohii, dzie jamu była praviedziena apieracyja pa stenciravańniu ścienak kryvianosnych sasudaŭ.
Z 10 žniŭnia ijerarch prachodzić reabilitacyju ŭ respublikanskim centry ŭ Aksakaŭščynie.
Arcybiskup pryznajecca, što božy provid, dziakujučy vielmi svoječasova zroblenamu lekarami daśledavańniu serca, zachavaŭ jaho ad paŭtornaha infarktu mijakarda.
I choć situacyja, źviazanaja sa zdaroŭjem serca, była stabilizavana, arcybiskupu Tadevušu Kandrusieviču patrebna malitva jak maha bolšaj kolkaści viernikaŭ ab jaho fizičnym vyzdaraŭleńni.
Ksiondz Pavieł Ejsmant, jaki taksama źjaŭlajecca sakratarom arcypastyra, prosić usich nieabyjakavych ludziej «uźnieści malitvu ab jaho vyzdaraŭleńni, kab jon moh nadalej aktyŭna słužyć Bohu i ludziam, čaho jon zaŭsiody vielmi prahnie».
Kamientary