U Žłobinskim rajonie mužčyna pierakładaŭ padłohu ŭ chlavie i znajšoŭ staruju zbroju
Žychar nievialikaj vioski ŭ Žłobinskim rajonie padčas płanavaha ramontu draŭlanaj padłohi ŭ svaim chlavie znajšoŭ niečakanuju reč, paviedamlaje Dziaržaŭny kamitet sudovych ekśpiertyz.
Kali mužčyna pačaŭ mianiać staryja elemienty padłohi, pad płastom pyłu, pavucińnia i budaŭničaha śmiećcia jon znajšoŭ stary karabin z aptyčnym prycełam. Na stvale zbroi byŭ ustalavany samarobny hłušyciel, hruba, ale tryvała prymacavany da dulnaj častki.
Było vidavočna, što karabin praciahły čas zachoŭvaŭsia pad padłohaj i byŭ schavany ad čužych vačej. Chto i navošta pakinuŭ jaho tam, vyśvietlić adrazu było niemahčyma.
Mužčyna vyrašyŭ nie naryvacca na prablemy i dobraachvotna pieradaŭ znojdzienuju zbroju supracoŭnikam milicyi.
Paźniej karabin nakiravali na sudovuju balistyčnuju ekśpiertyzu. Ekśpierty ŭstanavili, što zbroja vyrablenaja zavodskim sposabam i źjaŭlajecca ručnoj naraznoj ahniastrelnaj zbrojaj — karabinam «TOZ-16» kalibru 5,6 mm. Jon pryznačany i prydatny dla stralby patronami 5,6×16R (.22 Long Rifle).
Taksama ekśpierty daśledavali dulnuju pryładu. Vyśvietliłasia, što jana była vyrablenaja samatužnym sposabam i źjaŭlajecca kampanientam ručnoj naraznoj ahniastrelnaj zbroi — adnakamiernym hłušycielem, pryznačanym dla pamianšeńnia ŭzroŭniu huku strełu. Pryłada taksama akazałasia prydatnaj dla vykarystańnia pavodle svajho pryznačeńnia.
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci6
Kamientary