Rasijskaha eks-udzielnika «Doma-2» aštrafavali za repost «Biełsata»
Błohier viadzie sacyjalnyja sietki, dzie raskazvaje pra svajo žyćcio, abmiarkoŭvaje šou-biznes i palityku.
Eks-udzielnika «Doma-2» Rustama Soncava aštrafavali za reposty niezaležnych ŚMI, pišuć «Ostorožno, novosti».
Pierad uniasieńniem šoumena ŭ rejestr zamiežnych ahientaŭ Miniust Rasii pravioŭ «analiz źviestak z adkrytych krynic» i vyśvietliŭ, što Soncaŭ byŭ udzielnikam pieradačy «Dom-2», a ciapier žyvie ŭ ZŠA i viadzie sacyjalnyja sietki, dzie raskazvaje pra svajo žyćcio, abmiarkoŭvaje šou-biźnies i palityku.
U ministerstvie zajavili, što jon «pieryjadyčna raźmiaščaje publikacyi destruktyŭnaha charaktaru, jakija źmiaščajuć źviestki, što dyskredytujuć Prezidenta Rasijskaj Fiederacyi», i pačali ŭ dačynieńni da jaho pravieračnyja mierapryjemstvy.
Tak, u Miniuście ŭstanavili, što Rustam Kałhanaŭ (sapraŭdnaje imia Soncava) «nieadnarazova prapahandavaŭ ŁHBT, a taksama jak minimum šeść razoŭ rabiŭ reposty materyjałaŭ «niepažadanych» ŚMI. Za raspaŭsiudžvańnie videa «Doždia», «Biełsata», navin «Mieduzy», «Novaj haziety. Jeŭropa» i «Važnych istorij» na Soncava skłali pratakoł ab raspaŭsiudžvańni materyjałaŭ niepažadanych arhanizacyj (art. 20.33 KaAP).
Jaho vyklikali ŭ Kašyrski haradski sud, ale jon nie źjaviŭsia i nie adkazaŭ na pozvu — u vyniku jaho aštrafavali na 10 tysiač rasijskich rubloŭ (kala 120 dalaraŭ).
Kamientary