U Iranie nazvali kamandu Trampa «kłoŭnami» na fonie sprečki vakoł Armuzskaha pralivu
Śpikier parłamienta Irana Machamad Bahier Halibaf vyśmiejaŭ administracyju prezidenta ZŠA Donalda Trampa na fonie supraćstajańnia vakoł Armuzskaha pralivu.
U publikacyi ŭ X jon raskrytykavaŭ ministra finansaŭ Skota Biesenta i ministra abarony Pita Chiehseta i nazvaŭ amierykanskuju administracyju «kamandaj kłoŭnaŭ». Pavodle słoŭ Halibafa, Vašynhtonu nie varta čakać, što jana «dastanie trusa z kapieluša i likviduje chaos», piša Bild.
Zajava prahučała paśla taho, jak Tramp apublikavaŭ kartu, na jakoj Armuzskaja praliva była paznačana jak «novaja terytoryja ZŠA». Raniej prezident ZŠA kazaŭ, što Vašynhton faktyčna kantraluje praliŭ, i zajaŭlaŭ, što nie śpiašajecca zaklučać novaje pahadnieńnie z Tehieranam.
Tehieran śćviardžaje, što praciahvaje błakavać praliŭ i patrabuje ad ZŠA admieny naftavych sankcyj, razmarožvańnia iranskich aktyvaŭ i spynieńnia vajennych apieracyj u rehijonie. Armuzskaja praliva zastajecca adnym z najvažniejšych maršrutaŭ suśvietnaha handlu naftaj.
Ekśpiert pa Blizkim Uschodzie Džonatan Šancier z Fondu abarony demakratyi ličyć, što Tehieran raźličvaje vykarystać rost koštaŭ na naftu i cisk na sudnachodstva, kab damahčysia sastupak ad Vašynhtona.
Ciapier čytajuć
«Źnik bieź źviestak» vielmi małady biełaruski najomnik15
Kamientary
Amatary armreślinhu šapito .
" adzin doma " epizod ściena 118 ..))))
Jany tolki pačali)))