Amierykanski fond uhanaravaŭ Bialackaha miedalom «Za słužeńnie demakratyi»
Rašeńnie abviaściŭ Nacyjanalny fond padtrymki demakratyi (NED), jaki dapamahaje raźvićciu demakratyčnych instytutaŭ u śviecie, u tym liku i Biełarusi, piša Radyjo Svaboda.
«NED (The National Endowment for Democracy, Nacyjanalny fond padtrymki demakratyi) maje honar uručyć Alesiu Bialackamu miedal «Za słužeńnie demakratyi» hetaj vosieńniu, adznačyŭšy dziesiacihodździ jahonaj pracy pa prasoŭvańni svabody, pravoŭ čałavieka i demakratyi ŭ Biełarusi», — zajaviła arhanizacyja.
Arhanizacyja zhadvaje, što Bialacki pieražyŭ źniavoleńnie i pieraśled za supraciŭleńnie aŭtarytaryzmu, dakumientavańnie złoŭžyvańniaŭ režymu i abaronu tych, čyje asnoŭnyja pravy byli parušanyja.
«My hanarymsia tym, što ŭšanoŭvajem jaho niezvyčajnuju mužnaść i niaźmiennuju prychilnaść demakratyčnaj budučyni Biełarusi», — paviedamiła niaŭradavaja arhanizacyja Nacyjanalny fond padtrymki demakratyi na svaich staronkach u sacsietkach.
Nacyjanalny fond padtrymki demakratyi (NED — National Endowment for Democracy) — amierykanskaja niaŭradavaja niekamiercyjnaja arhanizacyja, zasnavanaja ŭ 1983 hodzie.
Jaje misija — padtrymka raźvićcia demakratyi, pravoŭ čałavieka, svabodnych ŚMI, hramadzianskaj supolnaści i niezaležnych prafsajuzaŭ pa ŭsim śviecie. Fond viadomy suviaziami i ź biełaruskimi demakratyčnymi siłami.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi4
Kamientary