Łukašenka: Jak u svoj čas Čechija ŭziała kurs na niezaležnaść, tak i my budziem dziejničać
Pra heta zajaviŭ jon zajaviŭ na sustrečy ź jeŭrakamisaram čecham Štefanam Fiule. I skazaŭ, što viedaje: ES budzie vyčekvać da vybaraŭ.
Pra heta zajaviŭ jon zajaviŭ na sustrečy ź jeŭrakamisaram čecham Štefanam Fiule. I skazaŭ, što viedaje: ES budzie vyčekvać da vybaraŭ.
Alaksandr Łukašenka padziakavaŭ Štefanu Fiule za toje, što jon asabista pryjechaŭ u Biełaruś. «Dumaju, što pry ŭsioj vašaj pierakananaści i praduziataści vielmi karysna, što vy ŭbačycie krainu na svaje vočy. Dla mianie vielmi važna, kab vy na svaje vočy ŭbačyli ŭsie tyja pracesy, jakija adbyvajucca ŭ Biełarusi», — skazaŭ jon.
Pavodle słoŭ Alaksandra Łukašenki, prablemy ŭ adnosinach ź ES viadomy. «I navat publična mahu skazać, što,
u adroźnieńnie ad mnohich dziaržaŭnych słužboŭcaŭ, ja nie maju nijakich nadziej. Ja vydatna viedaju: vy budziecie čakać, nie viedaju tolki čamu, vy budziecie hladzieć, čym zavieršacca prezidenckija vybary. Ja sprabuju zrazumieć Jeŭrapiejski Sajuz, amierykancaŭ, a ciapier užo i rasiejcaŭ u suviazi z hetym. Z adnaho boku, heta pravilna, abjektyŭna: i vy, i inšyja chočuć viedać, z kim ža majuć spravu ŭ pierśpiektyvie, chto budzie prezidentam u Biełarusi, — skazaŭ jon. — Z druhoha boku, ja chacieŭ by vas prosta zaścierahčy ad zališnich spadziavańniaŭ i čakańniaŭ: Biełaruś budzie ruchacca svaim šlacham, čaho b nam heta ni kaštavała.Jak u svoj čas vaša rodnaja kraina [Čechija] uziała šlach na niezaležnaść, šukała siabroŭ, jakija zabiaśpiečać joj hetu niezaležnaść i dapamohuć, hetak ža i my budziem dziejničać, zabiaśpiečvajučy svaju niezaležnaść. Ja chaču, kab vy razumieli, što my nie ŭpadziom, my na kaleniach ni pierad kim poŭzać nie budziem — ni pierad vami, ni pierad Rasijaj, ni pierad Amierykaj».
Biełaruski lider zaklikaŭ admovicca ad dvajnych standartaŭ u adnosinach i skancentravacca na hałoŭnych uzajemavyhadnych pytańniach. «Heta naš suvierenitet i biaśpieka, heta niezaležnaść našaj Biełarusi, — adznačyŭ jon. — I my ŭ imia zachavańnia hetaj niezaležnaści zrobim usio. My nie budziem biehać pa Jeŭropie, pa Amierycy, u Rasii, brać u vas hrošy, ihrać na rasijskaj skrypcy i naadvarot, jak heta robiać tak zvanyja vielmi lubimyja niekatorymi palitykami ŭ Jeŭropie našy apazicyjaniery, — my hetaha rabić nie budziem».
Ciapier čytajuć
Baćka sa Słucka paprasiŭ dziaržavu zabrać jaho dziaciej dziela adnaŭleńnia maralnych sił1
Kamientary