Aŭtapadborščyk pakazaŭ jakaść afarboŭki novych Belgee: miescami bačny tolki hrunt
«Jak vy dumajecie, heta jakasny novy aŭtamabil?» — zadajecca pytańniem ekśpiert.
Śpiecyjalist pa padbory aŭto pakazaŭ jakaść afarboŭki novych «BiełDžy». Tak, u madeli X80 na videa nižniaja častka parohaŭ nie afarbavanaja ŭ koler aŭto.
Pa parohach z abodvuch bakoŭ bačna, što padčas afarboŭki kuzava farba raspylałasia tolki pad adnym vuhłom.
Zaŭvažna i niedafarboŭka ŭnutranaj častki dźviarej i stojki.
Na ŭnutranaj častcy dźviarej vidać, jak praśviečvajecca hrunt, krychu prypyleny čornaj farbaj.
Ale bolš za ŭsio niedafarboŭka zaŭvažnaja na piaredniaj stojcy.
Byli ŭ aŭto i mienš značnyja niuansy, na jakija źviarnuŭ uvahu śpiecyjalist pa padbory aŭto.
Naprykład, nieprafarbavanaja ŭnutranka piarednich kryłaŭ u miescach, dzie tyja prylahajuć da stojki. Što praŭda, takija vypadki časam sustrakajucca i ŭ inšych vytvorcaŭ.
Nie spadabałasia śpiecyjalistu i toje, jak vyhladaje zadni bampier. Na videa bačna, što adlustravańnie ŭ niekatorych častkach bampiera jak u kryvym lusterku.
Pry hetym padborščyk adznačyŭ, što mašyna dobraja, ale ŭsio zaležyć ad partyi. Adzin z kamientataraŭ vykazaŭ mierkavańnie, što na videa mašyna ŭžo ź biełaruskaj afarboŭkaj, pakolki niadaŭna Ch80 pačali źbirać u Biełarusi.
Ciapier čytajuć
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta55
Kamientary