Zdareńnie adbyłosia 11 listapada kala 12:50 na aŭtadarozie N-8540 u ahraharadku Hresk Słuckaha rajona, paviedamlaje Śledčy kamitet.
49‑hadovy mašynist padčas darožnych rabot ruchaŭsia na budaŭničaj mašynie zadnim chodam i najechaŭ na 72‑hadovaha piensijaniera, jaki zajšoŭ u zonu ramontu. Ad atrymanych traŭmaŭ piešachod pamior.
Pavodle papiarednich źviestak, učastak, dzie pravodzilisia raboty, byŭ aharodžany vodanaliŭnymi błokami.
Słucki rajonny adździeł Śledčaha kamiteta raspačaŭ u dačynieńni da mašynista kryminalnuju spravu pavodle č. 1 art. 144 Kryminalnaha kodeksa Biełarusi — pryčynieńnie śmierci pa nieaściarožnaści.
Kamientary