U Cichim akijanie znajšli miescy, jakija amal nie zaznali ŭpłyvu čałavieka
Karałavyja atoły Bikan i Bakak, što ŭvachodziać u skład Maršałavych Astravoŭ, ličacca adnymi z najbolš niekranutych ekasistem u rehijonie, a mahčyma, i va ŭsim śviecie. Tam sustrakajucca hihanckija maluski z pałasatymi, padobnymi da ziebravych, rakavinami, ryby-papuhai z hałovami, jakija nahadvajuć bujvałavyja, a taksama zialonyja marskija čarapachi, piša Spiegel.
Marskija ekołahi z Havajskaha ŭniviersiteta na čale z Ałanam Frydlenderam daśledavali raślinny i žyviolny śviet atołaŭ u vadzie, na sušy i ŭ pavietry. Navukoŭcy vykarystoŭvali padvodnyja kamiery, pravodzili apuskańni i daśledavańni z dapamohaj padvodnaha aparata. Vyniki daśledavańnia apublikavanyja ŭ navukovym časopisie Frontiers in Marine Science.
Maršałavy Astravy abviaścili akvatoryju vakoł Bikana i Bakaka pieršym u krainie nacyjanalnym marskim zapaviednikam. Jaho płošča składaje kala 48 tysiač kvadratnych kiłamietraŭ.
Padčas ekśpiedycyj navukoŭcy znajšli 15 kałonij marskich ptušak, u jakich, vierahodna, adbyvajecca razmnažeńnie. Taksama jany zafiksavali 266 hrup ryfavych ryb i bolš za 200 hrup vidaŭ, jakija žyvuć u najhłybiejšych słajach akijana abo niepasredna ŭ hłybakavodnych zonach.
Akramia taho, daśledčyki znajšli 15 hrup drapiežnikaŭ, u tym liku akuł i ryb ź siamiejstva skumbryjevych. Pavodle atrymanych źviestak, 14 z hetych hrup raniej nie rehistravalisia na Maršałavych Astravach. Dźvie ź ich mohuć navat naležać da vidaŭ, nieviadomych navucy.
Ałan Frydlender adznačyŭ, što vyvučeńnie atołaŭ daje redkuju mahčymaść ubačyć, jak funkcyjanujuć ekasistemy pry minimalnym upłyvie čałavieka. Takija miescy słužać pryrodnymi etałonami: jany dazvalajuć zrazumieć, što było stračana ŭ inšych rehijonach, i atrymać viedy, nieabchodnyja dla achovy pryrody i adnaŭleńnia ekasistem.
Pavodle słoŭ navukoŭca, na płaniecie zastałosia vielmi mała miescaŭ — ad akijaničnych hłybiniaŭ da najvyšejšych hornych viaršyniaŭ, — dzie čałaviek nie pakinuŭ svajho śledu.
Marskuju čarapachu lačyli 22 hady, a ciapier narešcie vypuścili ŭ akijan
Tempieratura Suśvietnaha akijana dasiahnuła rekordnaha ŭzroŭniu
Na Vialikaj cichaakijanskaj śmiećcievaj plamie znajšli dziasiatki vidaŭ žyvych istot
Navukoŭcy zaniepakojenyja: zapasy presnaj vady na Ziamli skaračajucca, a ŭzrovień akijanu raście
Kamientary