Галоўны трэнер зборнай Беларусі па футболе Віктар Ганчарэнка абвясціў склад каманды на заключныя матчы групавога этапу Лігі нацый.
Брамнікі — Павел Паўлючэнка («МЛ Віцебск»), Фёдар Лапавухаў («ЦСКА Сафія», Балгарыя), Андрэй Кудравец («Дынама Мінск»).
Абаронцы — Кірыл Пячэнін («Крылы Саветаў», Расія), Захар Волкаў, Кірыл Гоманаў (абодва — «МЛ Віцебск»), Глеб Шаўчэнка («Тарпеда Масква», Расія), Раман Бегуноў, Уладзіслаў Калінін (абодва — «Дынама Мінск»), Іван Ціхаміраў («Іслач»), Антон Лукашоў («Арэнбург», Расія).
Паўабаронцы — Макс Эбонг («ЦСКА Сафія», Балгарыя), Валерый Грамыка, Валерый Бачароў, Арцём Канцавы (усе — «МЛ Віцебск»), Аляксандр Сялява («Дынама Мінск»), Арцём Шуманскі («Акрон», Расія), Антон Кавалёў («Факел», Расія), Кірыл Зіновіч («Дынама Махачкала», Расія), Аляксандр Свірэпа («Іслач»).
Нападнікі — Віталь Лісаковіч («Табол», Казахстан), Герман Баркоўскі («Палонія Варшава», Польшча), Трафім Мельнічэнка («Порту», Партугалія), Карэн Варданян («Дынама Мінск»), Цімафей Сіманенка («Гомель»).
12 лістапада зборная Беларусі правядзе выязны матч супраць каманды Сан-Марына (22:45), а 15 лістапада ў намінальна хатняй гульні прыме ў Будапешце зборную Албаніі (20:00).
Пасля чатырох тураў сітуацыя ў нашай групе наступная: Албанія — 9, Беларусь, Фінляндыя — 7, Сан-Марына — 0.
Пераможца групы выходзіць у дывізіён В, а каманда, што зойме другое месца ў групе, будзе гуляць пераходны матч з камандай, што фінішуе чацвертай у адной з гуп дывізіёна В. Зараз там чацвертыя месцы займаюць зборныя Паўночнай Македоніі, Грузіі, Ізраіля і Румыніі.
І агулам дывізіён В куды весялейшы за панылоту дывізіёна С, дзе выступае Беларусь.
Там наступнымі супернікамі Беларусі могуць стаць Украіна, Польшча, Шатландыя, Боснія, Швецыя і Славенія. Але гэта ўжо праз два гады.
А ў пачатку снежня пройдзе лёсаванне групавога турніру да чэмпіянату Еўропы па футболе, які адбудзецца ў Вялікабрытаніі (Англія, Уэльс і Шатландыя) і Ірландыі.
Для адборачнага турніру будуць сфармаваныя шэсць групаў па чатыры зборныя і шэсць па пяць зборных. 12 пераможцаў груп аўтаматычна кваліфікуюцца, а каманды, што зоймуць другія месцы і некалькі шчасліўчыкаў з Лігі нацый будуць прабівацца праз стыкавыя матчы.
Цяпер чытаюць
«Пакінулі на некалькі гадзін аднаго на вакзале». Мужчына памёр пасля падзення з вышыні на працы1
«Пакінулі на некалькі гадзін аднаго на вакзале». Мужчына памёр пасля падзення з вышыні на працы
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары