U zvarocie da narodu pierad vybarami prezydent Hruzii Michaił Saakašvili akreśliŭ «čatyry najvažniejšyja histaryčnyja zadačy», jakija stajać pierad Hruzijaj i hruzinami.
U zvarocie da narodu pierad vybarami prezydent Hruzii Michaił Saakašvili akreśliŭ «čatyry najvažniejšyja histaryčnyja zadačy», jakija stajać pierad Hruzijaj i hruzinami.
Pieršaja zadača – zabieśpiačeńnie enerhietyčnaj niezaležnaści. «U nas užo jość alternatyŭnyja hazapravody, dziejny naftapravod, my ažyćciaŭlajem tranzyt i zakupki elektraenerhii, i my zrobim tak, kab Hruzija nie zaležała tolki ad adnoj nienadziejnaj krynicy».
Druhaja zadača jość u tym, «kab apošni rasiejski sałdat kančatkova pakinuŭ našu radzimu i bolš čym dvuchsothadovaja mara hruzinskaha narodu spraŭdziłasia».
Treciaj zadačaj jość ustupleńnie Hruzii ŭ NATO i «ŭdzieł u samaj sučasnaj systemie suśvietnaj biaśpieki». «Rašeńnie hetaha pytańnia znachodzicca na adlehłaści vyciahnutaj ruki».
Čaćviortaj i hałoŭnaj metaj Hruzii Saakašvili nazvaŭ «adnaŭleńnie zakonnaści i spraviadlivaści na ŭsioj terytoryi krainy – u tych častkach Abchazii i Cchinvalskaha rehijonu, jakija my nie kantralujem». «I my hetaha damožamsia».
Saakašvili taksama skazaŭ, što Rasieja dabivałasia «asiarodku napružanaści ŭ Abchazii, ale atrymała lehitymnuju ŭładu», jakaja ŭpieršyniu za apošnija 13 hadoŭ kantraluje amal usiu Vierchniuju Abchaziju (Kadorskaja ciaśnina). Aproč taho, zajaviŭ jon, «my pačali ŭ AAN praces zamiaščeńnia rasiejskich vajskoŭcaŭ, i my hety praces daviadziom da kanca». Saakašvili peŭny: «Siońnia ŭ Hruzii jość histaryčny šaniec ažyćciavić usie svaje zadačy».
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu15
Kamientary