Z 23 pa 27 žniŭnia respublikanskaje hramadskaje abjadnańnie «Biełaja Ruś» pa daručeńni prezidenta budzie pravodzić manitorynh mierkavańnia nasielnictva ab jakaści pracy miascovaj ułady.Pra heta žurnalistam paviedamiŭ staršynia «Biełaj Rusi» ministr adukacyi Alaksandr Radźkoŭ 20 žniŭnia pierad adkryćciom forumu piedahahičnych rabotnikaŭ ustanoŭ sistemy adukacyi ŭ Minsku.
Pavodle słoŭ Radźkova, «Biełaja Ruś» aktyŭna ŭklučyłasia ŭ pracu dziaržorhanaŭ. «Hety manitorynh — mahčymaść dapamahčy. Pryčym arhanizacyja hramadskaja, jakaja nie zaležyć ad upłyvu ŭłady. My ŭpeŭnieny, što, apracavaŭšy zvaroty nasielnictva, dadzim kiraŭniku dziaržavy dastatkova abjektyŭny materyjał», — skazaŭ staršynia RHA.
Adnoj z form uzajemadziejańnia «Biełaj Rusi» z nasielnictvam, pavodle słoŭ Radźkova, źjaŭlajucca hramadskija pryjomnyja, arhanizavanyja va ŭsich rajonnych centrach. Za čas pracy RHA praz hramadskija pryjomnyja pastupiła prykładna 10 tysiač zvarotaŭ. Siarod ich — jak skarhi na načalstva i orhany ŭłady, tak i prajekty, prapanovy, pažadańni. Usie zvaroty pieradajucca na adpaviednyja ŭzroŭni ŭłady dla dalejšaha razhladu, zapeŭniŭ Radźkoŭ, dadaŭšy, što «jość dobryja vyniki».
Kamientary