Na valutna-fondavaj biržy fiksujecca značnaje pieravyšeńnie popytu nad prapanovaj.
Na valutna-fondavaj biržy fiksujecca značnaje pieravyšeńnie popytu nad prapanovaj.
Stan biahučaha rachunku Biełarusi paharšajecca. Praciahły čas popyt na dalary i jeŭra na Biełaruskaj
Pad vosień deficyt biahučaha rachunku ŭzros anamalna.Heta možna źviazać z pavyšeńniem raschodaŭ dziaržavy ŭ suviazi z administratyŭnym rostam zarobkaŭ da 500 dalaraŭ — pad vybary.
Padstavy dla tryvohi, nasamreč, jość.
U žniŭni popyt na dalary na BFVB pieravysiŭ prapanovu na 312 miljonaŭ. A za dvaccać dzion vieraśnia ŭžo na 307!
Toje samaje ź jeŭra. U žniŭni popyt byŭ bolšy za prapanovu na 40 młn, a ŭ vieraśni ŭžo na 68.
I dla amierykanskaj valuty, i dla jeŭrapiejskaj taki deficyt źjaŭlajecca rekordnym paśla piku suśvietnaha finansavaha kryzisu ŭ kancy 2008 hoda.
Dla paraŭnańnia, u
Valutu na BVFB pradajuć i nabyvajuć pradpryjemstvy i banki dla svajoj biahučaj dziejnaści. A deficyt kampiensujecca valutnymi interviencyjami Nacbanka, dla jakich vykarystoŭvajucca reziervy.
Reziervy, raźličanyja pa mietadałohii MVF, pa stanie na 1 vieraśnia składali 5 młrd 569 młn dołaraŭ. Z pačatku 2010 hoda jany skaracilisia tolki na 83 młn.
Adnak taki pakazčyk byŭ dasiahnuty za košt pastupleńnia hrošaj ad raźmiaščeńnia jeŭraablihacyj ($1 młrd), ad prodažu «Biełtranshaza» Rasii (625 młn) i apošniaj tranšy kredytu MVF (670 młn). Kali b nie hetyja srodki, to reziervy skaracilisia b amal na 2,3 młrd.
U pryvatnaści, u červieni — na 253 młn, lipieni — na 193 młn. A ŭ žniŭni — ažno na $762 młn.
Miarkujučy pa vieraśnioŭskim popycie na valutu, kali jon zachavajecca da kanca miesiaca, u vieraśni jany mohuć upaści na astranamičnuju ličbu, zdolnuju vyklikać paniku na rynkach. Tady moža paŭtarycca situacyja 2008 hoda, jakaja pryviała da devalvacyi rubla.
Na piku finansavaha kryzisu ŭ 2008 hodzie deficyt biahučaha rachunku dasiahaŭ maštabaŭ, suvymiernych ź ciapierašnimi. Tady vyklikanaje im skaračeńnie valutnych reziervaŭ (biez uliku atrymanych kredytaŭ) składała $691 młn u kastryčniku
U kancy žniŭnia niebiaśpiečnyja tendencyi na rynku ŭžo byli temaj sustrečy Łukašenki z kiraŭnikom Nacbanka Piatrom Prakapovičam. Učora, 20 vieraśnia, kiraŭnika Nacbanka znoŭ vyklikali ŭ Čyrvony dom.
«Stabilnaść kursavoj palityki zasnavany nie tolki na paśpiachovaj rabocie našaj ekanomiki, ale i na tym, što my majem dastatkova zołatavalutnych reziervaŭ», — supakojvaŭ rynak Prakapovič.
Možna čakać pryniaćcia ad uładaŭ niejkich nadzvyčajnych mieraŭ dla adnaŭleńnia stabilnaści.
Heta moža być pačatak novych pieramovaŭ ź Mižnarodnym valutnym fondam abo pryvatyzacyja adnaho z bujnych dziaržaŭnych pradpryjemstvaŭ naftachimii ci «Biełaruśkalija». Abo — što najmienš imavierna — čarhovaj razavaj devalvacyi rubla.
Najbolš imaviernym scenarom padajecca paskoranaja pryvatyzacyja, bo srodkaŭ ad jaje chopić na daŭžejšy čas. Praŭda, imklivaść aznačaje horšuju canu i bolšuju vierahodnaść, što aktyvy dastanucca rasijskamu kapitału, na dolu jakoha prypadaje i tak niepraparcyjna vialikaja dola zamiežnych inviestycyj u Biełaruś.
Kamientary