U subotu 21 kastryčnika vierniki parafii Śviatoha Kazimiera ŭ Stoŭpcach adznačyli ŭračystaść pačatku pabudovy novaha parafijalnaha kaściołu. Jaje ŭznačaliŭ Apostalski Administratar Mienska-Mahiloŭskaj archidyjacezii biskup Antoni Dziamjanka.
U subotu 21 kastryčnika vierniki parafii Śviatoha Kazimiera ŭ Stoŭpcach adznačyli ŭračystaść pačatku pabudovy novaha parafijalnaha kaścioła, jakuju ŭznačaliŭ Apostalski Administratar Minska-Mahiloŭskaj archidyjacezii biskup Antoni Dziamjanka.
Muravany daminikanski kaścioł fundacyi Alaksandra Słužki, pabudavany ŭ 1625 h., upryhožvaŭ miastečka da 1953 h. U hetym kaściole byŭ pachavany Słuha Božy Fabijan Mališoŭski i inšyja śviatary. Padčas II suśvietnaj vajny zahinuŭ ad vypadkovaj kuli vikaryj parafii ks. Adolf Ślivinski, a ŭ hitleraŭskim łahiery śmierci ŭ Kałdyčevie (niepadalok ad Baranavičaŭ) byŭ zamučany probašč parafii ks. Julijan Dudzinski.
U 1953 h. savieckija ŭłady ŭzarvali kaścioł, i ciapier na hetym histaryčnym miescy, dzie byli pachavanyja śviatary, znachodzicca spartyŭnaja placoŭka adnoj ź siarednich škołaŭ horada. Na pačatku pierabudovy vierniki i tahačasny probašč ks. Jarasłaŭ Zaradzki atrymali dazvoł miascovych uładaŭ na pabudovu kaplicy i katechietyčnych kłasaŭ. U suviazi z pryjezdam u horad na pastajannaje miesca žycharstva katalikoŭ z susiednich parafij (rubiaževickaj, dzieraŭnianskaj, chotaŭskaj, nalibockaj, novaśvieržanskaj), kaplica nieŭzabavie ŭžo nie mahła źmiaščać usich viernikaŭ. Było pryniata rašeńnie pabudavać novy kaścioł.
Uračystaść aśviačeńnia vuhłavoha kamienia ździejśniŭ Apostalski Administratar Minska-Mahiloŭskaj archidyjacezii biskup Antoni Dziamjanka. Va ŭračystaści brali ŭdzieł staršynia miascovaha rajvykankama, hości z polskaha horada-pabracima Stoŭpcaŭ — Hostyni, śviatary z susiednich parafij, šmatlikija vierniki. Zhodna z tradycyjaj, paśla sv. Imšy była aśviečana placoŭka pad budaŭnictva.
Byli sabranyja achviaravańni na pabudovu kaścioła. Achviaravańni na hetuju metu buduć źbiracca taksama ŭ susiednich parafijach. U dalejšym spravaj budaŭnictva zojmiecca kaściolny kamitet i dušpastyry parafii — probašč ks. Adam i vikaryj ks. Pavieł. Apostalski Administratar vykazaŭ nadzieju na chutkaje i jakasnaje ŭźviadzieńnie Božaha doma.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»29
Kamientary