Alaksandr Łukašenka zajaviŭ, što nie pretenduje na ŭładu ŭ Rasiei i što jamu dosyć prezidenctva ŭ Biełarusi.
Alaksandr Łukašenka zajaviŭ, što nie pretenduje na ŭładu ŭ Rasiei i što jamu dosyć prezidenctva ŭ Biełarusi.
«U Rasiei da Łukašenki narmalna staviacca, darečy, jak i ŭ Litvie.
Ale heta nie aznačaje, što ja pretenduju na šapku Manamacha ŭ Kramli ci ŭ vašaj litoŭskaj dziaržavie. Mnie dastatkova ŭłady ŭ Biełarusi», — zajaviŭ A. Łukašenka ŭ intervju vilenskaj haziecie «Litovskij kuŕjer», apublikavanym u čaćvier.
«Ja narmalna pracuju. Mianie ludzi pavažajuć. Dy mnie ŭžo nie da hetaha — ja ŭžo najeŭsia hetaha chleba, dalej niama kudy. Pavažajuć rasiejcy Łukašenku, dyk vy vykarystoŭvajcie heta. Nie sprabujcie brudam panizić jaho aŭtarytet u rasiejskim hramadstvie, tym bolš što atrymlivajecca ŭsio naadvarot», — skazaŭ jon.
«I hetyja napady — «Baćka‑1», «Baćka‑2», try, čatyry — ja nia viedaju, hladzieli vy ci nie, ja nie hladzieŭ. Mnie analiz davali, tamu što ŭ mianie nie było času, ja ŭ kamandziroŭkach pravioŭ hety čas .A pa‑druhoje, kali mnie skazali, pra što tam razmova, dyk heta ŭžo naša biełaruskaja apazicyja brud hety palivaje niekalki hadoŭ. I siońnia Rasieja pračnułasia, uziała hety brud i vyliła čarhovym razam. Kamu heta cikava?» — skazaŭ A. Łukašenka. — «A mianie paprakajuć u tym, što ja ŭziaŭ paŭzu, tamu što mnie niama čym adkazać. Ja na brud nie źbirajusia adkazvać. Ludzi raźbiarucca».
«Chaciełasia b kamuści, kab Biełaruś uvajšła ŭ skład Rasiei. Tamu ŭ sajuznaj dziaržavie nam padkidali nie Kanstytucyju prymać, jak u damovie zapisana, a prapanoŭvali adzinuju valutu ŭ vyhladzie rasiejskaha rubla, a emisija hrošaj budzie tolki ŭ Rasiei.Vy pahadzilisia b na heta? Biaspraŭnaja Biełaruś i paŭnapraŭnaja Rasieja. Kali niešta treba, biažy pad Kreml, stukaj u dźviery abo stanavisia na kaleni štości vyprošvać. Navošta Rasiei takaja forma stasunkaŭ ź Biełaruśsiu?» — praciahnuŭ A. Łukašenka.
Zakranajučy pytańnie pryznańnia Biełaruśsiu niezaležnaści Paŭdniovaj Asiecii i Abchazii, A. Łukašenka zaŭvažyŭ: «Jany kažuć: «Biełaruś nie pryznała Asieciju i Abchaziju».
Dazvolcie, a što, Litva pryznała? Nie. Ale vy ž Litvu tak nia kvasicie. Kazachstan i Ŭkraina, ź jakimi Rasieja byccam by siabruje siońnia, pryznali Asieciju i Abchaziju? Nie, nie pryznali. Dyk čamu takoje staŭleńnie da Biełarusi? Značyć, sprava nie ŭ Asiecii i Abchazii», — dadaŭ A. Łukašenka.
Kamientary