Niaklajeŭ: Adnosiny z Rasijaj buduć pryjarytetam
Patencyjny kandydat u prezidenty pradstaviŭ svaju daktrynu zamiežnaj palityki, jakaja nosić nazvu «Adkaznaje susiedstva».
U vypadku abrańnia prezidentam Uładzimir Niaklajeŭ nie źbirajecca denansavać pahadnieńni z Rasijaj u halinie ekanomiki, vajennaha supracoŭnictva, u sacyjalnaj i humanitarnaj śfiery. Ab hetym jon zajaviŭ 28 kastryčnika napres-kanfierencyi ŭ Minsku.
Niaklajeŭ paznajomiŭ sa svajoj źniešnieekanamičnaj daktrynaj. Pavodle jaho słoŭ, rasijski viektar byŭ i źjaŭlajecca pryjarytetam. «My nie źbirajemsia ŭ vypadku prychodu da ŭłady ažyćciaŭlać niejkija rezkija dziejańni, jakija pryviali b da abvału isnujučych pamiž Rasijaj i Biełaruśsiu damoŭlenaściej. Heta tyčycca nie tolki ekanamičnaha, sacyjalnaha, humanitarnaha błokaŭ, ale i vajennaha błoka. Zajavy niekatorych apazicyjnych palitykaŭ ab vychadzie z usich mahčymych pahadnieńniaŭ z Rasijaj ab vajennym supracoŭnictvie my ličym nieprymalnymi», — skazaŭ Niaklajeŭ.
«Jak možna havaryć ab tym, — i ja čuŭ takija zajavy, — što „my zakryjem miažu z Rasijaj“? — skazaŭ palityk. — Abo damoŭlenaści ab tym, što biełarus, jakija znachodzicca ŭ Rasii, maje takija ž pravy na miedycynskaje absłuhoŭvańnie, jak i rasijanin, što znachodzicca na terytoryi Biełarusi, — chto suprać hetaha vystupić? Što dypłomy navučalnych ustanoŭ adnoj i druhoj krainy ŭzajemna pryznajucca, što jość roŭnyja pravy hramadzian Rasii i Biełarusi na pastupleńnie ŭ VNU dźviuch dziaržaŭ. Heta treba pakidać i ŭklučać u tuju prahramu, jakuju my nazvali kancepcyjaj adkaznaha susiedstva».
Što da adnosin Biełarusi ź Jeŭropaj, ich treba pačynać «z nula», miarkuje pretendent na pasadu prezidenta. Pavodle słoŭ Niaklajeva, jaho kamanda praanalizavała ŭsie pahadnieńni ź Jeŭrapiejskim sajuzam za apošnija hady. «Akazałasia, što ŭ nas niama navat dahavora ab partniorstvie i supracoŭnictvie! Z asobnymi krainami jość, ale dahavora ź Jeŭrasajuzam jak ź miždziaržaŭnym utvareńniem i Biełaruśsiu prosta niama. Usie dziejnyja dahavory — heta zaklučanyja jašče ŭ 1989 hodzie, pry Savieckim Sajuzie. U 1995 hodzie była sproba stvaryć taki dahavor, ale jana pravaliłasia
«Jak možna biez farmalnaha afarmleńnia budavać našy adnosiny? Treba pačynać našy adnosiny z samych pieršych krokaŭ. Hety viektar nam daviadziecca čarcić ź pieršaj ryski», — zajaviŭ Niaklajeŭ.
Jak adznačyŭ pretendent u prezidenty,
Biełaruś u lubym vypadku budzie supracoŭničać ź Jeŭrasajuzam.
«Mienavita ad ES my možam atrymać toje, na što raźličvajem, najpierš novyja technałohii. Dla hetaha treba, kab tam, dzie jość novyja technałohii, apynulisia našy ludzi, jakija byli b zacikaŭlenyja ŭ hetych technałohijach», — skazaŭ Niaklajeŭ.
«Nam treba viartacca ŭ Radu Jeŭropy, — pierakanany jon. —
Paradaksalna, što jeŭrapiejskaja kraina, pra jakuju navat Alaksandr Łukašenka kaža, što jana „centr Jeŭropy“, nie ŭvachodzić u Radu Jeŭropy».
Kiraŭnik vybarčaha štaba Niaklajeva Andrej Dźmitryjeŭ zajaviŭ, što havaryć pra ŭstupleńnie Biełarusi ŭ Jeŭrasajuz u najbližejšyja piać hadoŭ — «heta prosta papulizm».
«My znachodzimsia daloka ad tych zapatrabavańniaŭ, jakija pradjaŭlajucca da krain — kandydataŭ na ŭstupleńnie ŭ Jeŭrasajuz.
My havorym, što hałoŭnaja meta — madernizacyja ekanomiki i toje, što nazyvajecca «siaredni ŭzrovień intehracyi ź Jeŭrasajuzam», — skazaŭ Dźmitryjeŭ.
«My pavinny viarnucca va ŭsie nadjeŭrapiejskija struktury: Rada Jeŭropy, parłamienckija asamblei Rady Jeŭropy i ABSIE. Padpisvajem dahavor ab partniorstvie ź Jeŭrasajuzam, jaki dazvalaje tut mieć narmalnaje pasolstva. Hetaje biezumoŭnaje pašyreńnie pravoŭ misii ABSIE ŭ Biełarusi. I heta toje, što pavinna viarnuć Biełaruś u jeŭrapiejskija ramki, — poŭnaje vykarystańnie mahčymaściaŭ prahramy «Uschodniaje partniorstva», — zajaviŭ kiraŭnik štaba Niaklajeva.
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami36
Kamientary