Łazavik nie suprać mitynha na Pryvakzalnaj ci la Pałaca sportu
Ale suprać taho, kab ludzi źbiralisia 19 śniežnia na Kastryčnickaj.
Sakratar Centrvybarkama Mikałaj Łazavik krytykuje kandydataŭ u prezidenty, jakija zaklikajuć vybarščykaŭ pryjści 19 śniežnia na Kastryčnickuju płošču.
«Vielmi sumna, što kandydaty ŭ prezidenty zamiest taho, kab pakazać siabie zakonapasłuchmianymi, zaklikajuć zakon parušać»,— zajaviŭ BiełaPAN Łazavik, kamientujučy zakliki šerahu kandydataŭ u prezidenty da vybarščykaŭ vyjści 19 śniežnia na Kastryčnickuju płošču.
«Uładzimir Niaklajeŭ i Andrej Sańnikaŭ 6 śniežnia praviali sustreču z vybarščykami na Pryvakzalnaj płoščy. Tam dastatkova miesca, što chacieli, jany skazali.
A jašče možna było b pravodzić takija sustrečy kala Pałaca čyhunačnikaŭ, Pałaca sportu — tam vialikija placoŭki», — skazaŭ jon.
Zamiest hetaha, zaznačyŭ Łazavik, kandydaty ŭ prezidenty zaklikajuć vybarščykaŭ sabracca na Kastryčnickaj płoščy, jakaja zabaroniena dla praviadzieńnia ahitacyjnych mierapryjemstvaŭ. «Napeŭna, heta „padziaka“ za libieralizacyju vybarčaha zakanadaŭstva i talerantnaść arhanizataraŭ vybaraŭ da svavolstvaŭ kandydataŭ u prezidenty», — skazaŭ jon.
Pavodle słoŭ sakratara CVK, «niepryhoža, što patencyjnyja haranty Kanstytucyi parušajuć zakon».
Mikałaj Łazavik nie zmoh adkazać, jakoj moža być reakcyja Centrvybarkama na zakliki kandydataŭ u prezidenty da vybarščykaŭ sabracca 19 śniežnia na Kastryčnickaj płoščy.
«Dla pačatku pavinny dać pravavuju acenku pravaachoŭnyja orhany, naprykład, papiaredzić kandydataŭ ab adkaznaści za parušeńnie zakanadaŭstva», — skazaŭ jon.
***
Z zaklikami da vybarščykaŭ pryjści 19 śniežnia na Kastryčnickuju płošču, kab vykazać pratest suprać falsifikacyi vynikaŭ vybaraŭ, źviarnulisia kandydaty ŭ prezidenty Ryhor Kastusioŭ, Uładzimir Niaklajeŭ, Jarasłaŭ Ramančuk, Vital Rymašeŭski, Andrej Sańnikaŭ, Mikałaj Statkievič.
Nahadajem, 30 listapada Rymašeŭski i Statkievič atrymali aficyjnyja papiaredžańni Centrvybarkama za arhanizacyju i ŭdzieł u niesankcyjanavanaj akcyi na Kastryčnickaj płoščy Minska 24 listapada. Napiaredadni akcyi abodva kandydaty atrymali aficyjnyja papiaredžańni Hienieralnaj prakuratury ab niedapuščalnaści parušeńnia zakanadaŭstva: praviadzieńnie masavych mierapryjemstvaŭ, u tym liku ahitacyja za kandydataŭ u prezidenty, na Kastryčnickaj płoščy zabaroniena.
Kamientary