Navat u navahodnim zvarocie Łukašenka padzialiŭ biełarusaŭ na mienšaść i bolšaść
«U hetyja chviliny adychodziačaha hoda ja pierš za ŭsio chacieŭ by źviarnucca da absalutnaj bolšaści biełaruskaha naroda», — tak raspačaŭsia zvarot.
«Darahija siabry! U hetyja chviliny adychodziačaha hoda ja pierš za ŭsio chacieŭ by źviarnucca da absalutnaj bolšaści biełaruskaha naroda», — tak raspačaŭsia sioletni navahodni zvarot Alaksandra Łukašenki.Heta redki vypadak u historyi telezvarotaŭ, kab prezident tak adkryta dzialiŭ hramadzianaŭ na «svaich» i «čužych». Vidać, Łukašenka razumieje, što paśla padziej 19 śniežnia vializnaja kolkaść ludziej kančatkova pierastała ličyć jaho zakonnym kiraŭnikom dziaržavy.
Napiaredadni Novaha hoda ŭ internecie razyšlisia zvaroty pieraklučyć telebačańnie na inšyja kanały ŭ časie łukašenkaŭskaha zvarotu i navat vyklučyć na hety čas śviatło.
Łukašenka ž navat navahodni telezvarot vykarystaŭ, kab ubivać u hałovy ideju, što suprać jaho vystupaje tolki mienšaść nasielnictva. Voś što jon kazaŭ dalej:
«Svaje vinšavańni ja taksama adrasuju našaj mienšaści.Vy pavinny viedać: vas usprymaju jak nieadjemnuju častku našaha hramadstva, sa svaimi metami, pohladami i imknieńniami. Vy majecie svoj punkt hledžańnia, asablivaje razumieńnie śvietaŭładkavańnia i raźvićcia našaj krainy. Heta vaša prava, jakoje adniać u vas nichto nie moža.
Ale vy pavinny viedać: vaša mierkavańnie nam nie abyjakava. I my razam ź pieravažnaj bolšaściu našaha naroda budziem zmahacca za vas, vašy pohlady. My budziem šukać šlachi da vašych rozumaŭ i sercaŭ, tamu što inakš niemahčyma abjadnać hramadstva, zachavać krainu i vyrašyć zadačy, jakija stajać pierad nami».
U hety ž čas u efiry radyjo «Svaboda» viadomyja ludzi Biełarusi i roznych krain śvietu ceły navahodni viečar začytvali imiony aryštavanych i źbitych u Biełarusi ŭ
«Nam nieabchodna pierałamać u samich siabie pravincyjalny kompleks maleńkaha naroda i ŭśviadomić siabie nacyjaj, jakaja vyrašaje nie tolki svaje zadačy, ale i farmiruje abličča Jeŭropy!» — zaklikaŭ Łukašenka.«Niachaj luboŭ i dabrabyt žyvuć u kožnaj siamji», — pažadaŭ jon.Jahony zvarot byŭ našmat karaciejšy za zvykłyja.
Z teleekrana hučali pafasnyja słovy, tym časam u realnym žyćci praciahvałasia pomsta palityčnym praciŭnikam, dy navat ich žonkam, dziaŭčatam.
Ale jak dziedu i babie rastłumačyć
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami46
Kamientary