Anłajn-kansultacyi: Ja aficer milicyi, chaču zvolnicca, honar, sumleńnie i abaviazak śviatyja

«Ja aficer milicyi z vysłuhaj bolš za 20 hadoŭ. U suviazi z paharšeńniem zdaroŭja i niežadańniem u dalejšym prachodzić słužbu padaŭ rapart ab zvalnieńni pa ŭłasnym žadańni. Najmalnik nie choča zvalniać mianie pa ŭłasnym žadańni, matyvujučy što „ŭ Vas kantrakt i Vy možacie zvolnicca tolki za parušeńnie ŭmovaŭ kantraktu“. Dyscyplinarnych spahnańniaŭ za 20 hadoŭ nie mieŭ, paniaćcie honar, sumleńnie i abaviazak śviatyja. Jak zvolnicca, nie zaplamiŭšy reputacyju?»

Možna spasłacca na ŭkaz prezidenta «Ab zaćvierdžańni Pałažeńnia ab prachodžańni słužby ŭ orhanach unutranych spravaŭ Respubliki Biełaruś». Možna zvolnicca nie tolki za parušeńnie ŭmovaŭ kantraktu, ale i pa ŭłasnym žadańni.

U pałažeńni (raździeł 14) značycca, što supracoŭniki orhanaŭ unutranych spravaŭ mohuć być zvolnienyja sa słužby ŭ zapas Uzbrojenych Sił na nastupnych padstavach:

— Pa ŭłasnym žadańni;

— Pa ŭzroście — paśla dasiahnieńnia hraničnaha ŭzrostu znachodžańnia na słužbie, ustalavanaha dadzienym pałažeńniem;

— Pa chvarobie — pry pryznańni ich vajenna-miedyčnymi kamisijami nieprydatnymi da vajennaj słužby ŭ mirny čas (u vajenny čas — abmiežavana prydatnymi druhoj stupieni);

— Pa abmiežavanym stanie zdaroŭja — pry pryznańni ich vajenna-miedyčnymi kamisijami prydatnymi da vajennaj słužby pa-za strojem u mirny čas (u vajenny čas — abmiežavana prydatnymi pieršaj stupieni) i niemahčymaści ich vykarystańnia na słužbie ŭ suviazi z adsutnaściu adpaviednych vakantnych pasad;

— Pa skaračeńni kolkaści abo štata — pry likvidacyi abo rearhanizacyi orhana ŭnutranych spravaŭ, u tym liku pry skaračeńni zajmanaj pasady i adsutnaści zhody supracoŭnika z pryznačeńniem na inšuju pasadu;

— U suviazi z vybrańniem deputatami Pałaty pradstaŭnikoŭ Nacyjanalnaha schodu Respubliki Biełaruś, miascovych Savietaŭ deputataŭ, a taksama ŭ suviazi z vybrańniem abo pryznačeńniem čalcami Savieta Respubliki Nacyjanalnaha schodu Respubliki Biełaruś i ažyćciaŭleńniem nazvanych paŭnamoctvaŭ na prafiesijnaj asnovie;

— U suviazi z admovaj ad zaklučeńnia kantraktu;

— Pa zakančeńni terminu słužby, praduhledžanaha kantraktam;

— U suviazi z parušeńniem umovaŭ kantraktu;

— Pa vynikach papiaredniaha vyprabavańnia;

— U suviazi z adnaŭleńniem na pasadzie supracoŭnika, jaki raniej zajmaŭ dadzienuju pasadu (pry admovie ad pierasoŭvańnia na inšuju pasadu abo niemahčymaści takoha pieramiaščeńnia);

— Pa słužbovaj nieadpaviednaści zajmanaj pasadzie z pryčyny niedastatkovaj kvalifikacyi — u atestacyjnaj paradku;

— Za parušeńnie słužbovaj dyscypliny;

— U suviazi z asudžeńniem za ŭčynienaje złačynstva — paśla ŭstupleńnia abvinavaŭčaha prysudu ŭ zakonnuju siłu;

— U suviazi sa ździajśnieńniem praviny, što dyskredytuje zvańnie supracoŭnika orhanaŭ unutranych spravaŭ.

U tym ža raździele 14 pałažeńnia prapisanyja i inšyja padstavy dla spynieńnia słužby ŭ orhanach unutranych spravaŭ.

• 0
• 0
• 0
• 0
• 0
• 0
• 0
• 0