Biełaruskija chakiery skrali tysiačy amierykanskich uradavych dakumientaŭ
Virus źbiraŭ dakumienty z kamputaraŭ arhanizacyj i dasyłaŭ na biełaruski siervier.
Chakiery pad vyhladam vinšavalnych listoŭ ź Biełaha doma napiaredadni Rastva razasłali ŭ dziasiatki ŭradavych ustanovaŭ ZŠA škodnuju prahramu, jakaja padčas ustalavańnia vykradała dakumienty i pierapraŭlała ich na raźmieščany ŭ Biełarusi siervier.
Elektronnyja paštoŭki z vyjavaj kaladnaj jołki prapanoŭvali karystalnikam pierajści pa dałučanaj spasyłcy, paśla čaho ŭ kamputar pranikała adna z raznavidnaściaŭ virusa «Zieŭs Trajan» (Zeus Trojan).
Pa dadzienych ekśpierta pa kamputarnaj biaśpiecy Brajana Krebsa, u vyniku napadu byli vykradzienyja dakumienty z takich arhanizacyj, jak Nacyjanalny navukovy fond ZŠA, upraŭleńnie palicyi štata Masačusets i ŭradavaje ahienctva, jakoje daje dapamohu afrykanskim krainam.
Aleks Koks, supracoŭnik kampanii NetWitness, jakaja raspracoŭvaje mietady abarony infarmacyi, paviedamiŭ, što kod novaha virusa na 95,8% supadaje z prahramaj, jakaja letaś zaraziła bolš za 75 tysiač kamputaraŭ u ZŠA.
— Abiedźvie (raznavidnaści virusa) prahladajuć žorstki dysk, źbirajuć dakumienty Word, Excel i PDF, a zatym pierasyłajuć ich na siervier u Biełaruś,— zajaviŭ jon.
Biełaruskija chakiery, niesumnienna, robiać pośpiechi. Nahadajem, u kastryčniku minułaha hoda niekalki biełarusaŭ byli aryštavanyja ŭ ZŠA pa abvinavačańni ŭ kradziažy pry dapamozie taho ž virusa bolš čym
Akramia taho, u dzień vybaraŭ prezidenta ŭ Biełarusi byli zabłakavanyja niekalki apazicyjnych sajtaŭ, stvoranyja ich falšyvyja kopii ź niesapraŭdnaj infarmacyjaj pra padrychtoŭku akcyi apazicyi, byŭ abmiežavany dostup da sacyjalnych sietkach. Pradstaŭniki ŭłady adchilili abvinavačańni ŭ svajoj datyčnaści da hetaha. Bolš za toje, było zajaŭlena, što naziralisia chakierskija ataki na sajt prezidenta Biełarusi.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary