Kalakin i Šuškievič zaklikali ES «vieści žorstkuju razmovu z uradam Biełarusi»
Hetaja zajava prahučała 11 studzienia napres-kanfierencyi ŭ Bierlinie.
Adzin z kaardynataraŭ kampanii «Za spraviadlivyja vybary» Siarhiej Kalakin zaklikaŭ Jeŭropu ŭvieści miery, jakija «pakarajuć vinavatych, a taksama dapamohuć biełaruskaj hramadzianskaj supolnaści supraćstajać» paharšeńniu situacyi ŭ krainie. Stanovišča ŭ Biełarusi Kalakin acharaktaryzavaŭ jak «humanitarnuju katastrofu».
Były staršynia Viarchoŭnaha savieta Biełarusi Stanisłaŭ Šuškievič nazvaŭ žorstki razhon demanstracyi ŭ Minsku 19 śniežnia «aktam dziaržaŭnaha teraryzmu». Pavodle jaho słoŭ, zaraz «adzinaja meta demakratyčnych sił — kab u Jeŭropie daviedalisia, što adbyłosia i adbyvajecca ŭ Biełarusi». Jon zaŭvažyŭ, što demakratyčnyja siły «zrabili ŭsio, što mahli zrabić u svaim stanoviščy».
U svaju čarhu, kandydat na prezidenckich vybarach 2006 hoda Alaksandr Kazulin vykazaŭ nadzieju na mižnarodnuju kansalidavanuju pazicyju ŭ adnosinach da Biełarusi.
«ES i Jeŭropa hulali ŭ svaju hulniu z dyktataram, Rasija — u svaju.
Kožnaja kraina mieła svaje intaresy, a Łukašenka šantažavaŭ abiedźvie i pieraśledavaŭ svaju vyhadu — zachavańnie ŭłady», — skazaŭ jon. Na dumku Kazulina, adkaz Jeŭropy pavinien być adekvatnym situacyi, adnak lubyja sankcyi nie mohuć być skiravanyja suprać biełaruskaha naroda». «Z dyktataram nielha razmaŭlać movaj uhavorvańnia, a tolki movaj siły i cisku», — zajaviŭ jon.
U
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»88
Kamientary