Abjom vałavoha ŭnutranaha praduktu Biełarusi ŭ 2010 hodzie skłaŭ 163 trłn. rubloŭ. Pryrost VUP skłaŭ 7,6% u paraŭnańni z 2009 hodam pry prahnozie 11—13%, paviedamlaje Nacyjanalny statystyčny kamitet. U studzieni—listapadzie pryrost składaŭ 7,2%. Pavodle vynikaŭ 2009 hoda VUP vyras na 0,2%.
Abjom sielskahaspadarčaj vytvorčaści ŭ 2010 hodzie pavialičyŭsia na 2% (prahnoz na hod 10—11%). Realizacyja žyvioły i ptuški ŭ žyvoj vazie haspadarkami ŭsich katehoryj pavialičyłasia na 4,7%, vytvorčaść małaka — na 0,7%, jajek — na 3,1%. Vytvorčaść zbožžavych źniziłasia na 17,8%, cukrovych burakoŭ — na 5%, ilnovałaknu — na 2,4%.
Pradukcyi pramysłovaści vypuščana bolš na 11,3% (hadavy prahnoz 10—12%), spažyvieckich tavaraŭ — na 13,1%, u tym liku charčovych — na 11,5%, niecharčovych — na 15,2%.
Pryrost inviestycyj u asnoŭny kapitał skłaŭ 16,6% (hadavy prahnoz 23—25%). Uviedziena ŭ ekspłuatacyju 6 młn. 700,1 tys. kv. mietraŭ žylla (na 16,6% bolš, čym za papiaredni hod), u tym liku 1 młn. 610,5 tys. u sielskich nasielenych punktach (na 13,1% bolš).
Abjom hruzapieravozak uzros na 11,5%, roźničny tavaraabarot — na 17,1%.
Spažyvieckija ceny vyraśli ŭ śniežni na 1%, za hod — na 9,9% (u 2009 hodzie — na 10,1%) pry prahnozie 8—10%.
Kolkaść aficyjna zarehistravanych biespracoŭnych skłała 33,1 tys. (0,7% da ekanamična aktyŭnaha nasielnictva) — na 17,9% mienš, čym za papiaredni hod.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3
Kamientary