«Žyć treba pa srodkach». Łukašenka pryznaŭ, što kredytaŭ bolš nie atrymaje
Biełaruś hatova pradać da 25% akcyj AAT «Biełaruśkalij».
Biełaruś hatova pradać da 25% akcyj AAT «Biełaruśkalij».
«Žyć treba pa srodkach. Nijakaha drukavańnia hrošaj, nijakich pazyk, chopić, — zajaviŭ Alaksandr Łukašenka na naradzie pa pytańniach raźvićcia biełaruskaj ekanomiki, pieradaje karespandent BiełTA. — Z hetym treba raźvitacca. Heta pravilny padychod, jon nie padlahaje jakojści sprečcy» , — padkreśliŭ jon.
A dzie ž brać hrošy, jakija raniej bralisia z zapazyčvańniaŭ? Biełaruś hatova pradać da 25% akcyj AAT «Biełaruśkalij».
«My prapanavali, i heta ŭžo nie sakret, «Biełaruśkalij». My skazali, što bolš za 25% my nie pradamo.My nazvali canu, jakaja siońnia raście. Achvotnych za takuju canu kupić niašmat, ale jany jość. Chočuć — niachaj kuplajuć, niama — mienšaj ceny nie budzie», — skazaŭ Łukašenka.
Jon pachvaliŭsia, što siońnia isnuje «šalony popyt na asobnyja biełaruskija pradpryjemstvy». «Za heta my možam atrymać $ 25–30 młrd.
A kali prajamo hetyja $ 30 młrd, tady što pradavać budziem?» — pieražyvaje Alaksandr Łukašenka.
Za apošnija piać hadoŭ vałavaja zamiežnaja zapazyčanaść Biełarusi dasiahnuła prykładna 27 miljardaŭ dalaraŭ, abo niebiaśpiečnaj rysy 50% ad VUP. Na hora,
paharšeńnie adnosinaŭ z Zachadam zrabiła niemahčymym atrymańnie tannych kredytaŭ ad MVF. A zapazyčvańnie hrošaj pad dziaržaŭnyja ablihacyi kaštuje zadoraha.Imavierna, Biełaruś budzie zdabyvać hrošy šlacham pryvatyzacyi dziaržaŭnych aktyvaŭ. Inačaj daviałosia b zaciahnuć pajasy ŭsim. Ale ŭ dadzienaj palityčnaj situacyi ŭ Biełaruś pryjduć tolki tyja kupcy, jakija buduć adčuvać siabie biaśpiečnymi. Typovy zachodni inviestar Biełarusi curajecca: kali ŭ krainie mohuć pasadzić u turmu siem kandydataŭ u prezidenty, to zaŭtra ŭ takoj krainie mohuć lohkim rucham ruki zabrać tvaje 25% akcyj nazad.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary