Natalla Piatkievič sprabavała ŭładkavacca ŭ «Pryjorbank»?

Bolš za miesiac prajšło paśla zvalnieńnia Natalli Piatkievič z pasady pieršaha namieśnika kiraŭnika Administracyi prezidenta z farmuloŭkaj «u suviazi ź pieravodam na inšuju pasadu». Za hety čas čynoŭnicu, jakaja niekalki hadoŭ kiravała takim napramkam jak ideałohija krainy, pradkazvali roznyja pasady — pasadu ministra adukacyi ci ministra justycyi.

Vykazvałasia navat viersija, što Piatkievič moža ŭznačalić Kanstytucyjny sud. Ale, jak stała viadoma, u

vieś hety čas byłaja namieśnica kiraŭnika Administracyi była zaniata pošukam pracy ŭ kamiercyjnych strukturach.

Na dumku surazmoŭcy, kiraŭnictva banka naŭrad ci adkrytym tekstam admoviła Piatkievič. «Pryjorbank» — heta dačka aŭstryjskaha banka Raiffeisen, a tamu rašeńnie ab pracaŭładkavańni na takija pasady prymajecca ŭ Vienie, a nie ŭ Minsku. I pakolki havorka, biezumoŭna, idzie nie pra pasadu apieracyjanistki abo kasirki abmieńnika, a pra miesca pamočnika abo daradcy kiraŭnika banka, člena praŭleńnia, to da patencyjnaha kandydata na takuju pasadu buduć pradjaŭlenyja pavyšanyja patrabavańni, niepasredna źviazanyja sa śfieraj dziejnaści pradpryjemstva.

U pryvatnaści, rada dyrektaraŭ Raiffeisen budzie prymać pad uvahu nie pasadu, jakuju zajmała Piatkievič u Administracyi prezidenta, i nie jaje palityčnyja pohlady, a prafiesijny dośvied u bankaŭskaj śfiery. Uličvajučy šyrokuju prysutnaść banka ŭ roznych krainach, vydatnaje viedańnie anhlijskaj movy — jašče adno z abaviazkovych patrabavańniaŭ. Darečy, ni taho (dośviedu bankira), ni inšaha (vydatnaje viedańnie zamiežnaj movy) — u kandydatki na pracu niama.

Ale da abmierkavańnia pytańnia ŭ Vienie jašče zanadta daloka. Jak rastłumačyŭ pradstaŭnik adnaho z orhanaŭ dziaržkiravańnia, pierš čym pracaŭładkoŭvacca ŭ kamiercyjnuju strukturu, dy da taho ž z zamiežnym kapitałam, Piatkievič nieabchodna ŭzhadnić svoj vychad ź dziaržaŭnaha kadravaha rejestru na samym vysokim uzroŭni.

I tolki atrymaŭšy «dabro» naviersie, možna rassyłać svajo CV pa kamiercyjnym arhanizacyjam.

Pa sutnaści, paćvierdziłasia adna asablivaść pieryjadu praŭleńnia A. Łukašenki — niepataplalnych i niezamiennych u krainie niama, za adnym vyniatkam. I Natalla Piatkievič takim vyniatkam nie źjaŭlajecca.

Jašče adzin vysokapastaŭleny pradstaŭnik ułady nie vyklučyŭ, što zvalnieńnie Piatkievič i adsutnaść dla jaje miesca pracy ŭ dziaržsistemy

źjaŭlajecca pakarańniem za pravał ideałahičnaj kampanienty prezidenckich vybaraŭ.

Kali takoje mierkavańnie dakładna, to pracaŭładkavańnie eks-namieśnika kiraŭnika Administracyi tolki ŭ karotkaterminovaj pierśpiektyvie moža abiacać niejkija pieravahi dla takoha kamiercyjnaha najmalnika. U siarednieterminovaj pierśpiektyvie minusaŭ moža apynucca kudy bolš, čym plusaŭ. Dy i praźmiernaja ŭvaha da takoj kampanii ŭ Biełarusi tolki paharšaje jaje (kampanii) kankurentazdolnaść na rynku.

• 0
• 0
• 0
• 0
• 0
• 0
• 0
• 0