Kudryn: darohi ŭ ZŠA buduć jak u Rasii, kali Abama skarocić biudžet na 20%
Darohi ŭ hałoŭnych haradach ZŠA nieŭzabavie mohuć stać takimi ž, jak u Rasii, kali administracyja Baraka Abamy nie pierahledzić asnoŭnyja pryjarytety biudžetnaha finansavańnia,zajaviŭ na kanfierencyi «Trojki Dyjałohu» rasijski
«Ja hladzieŭ biudžety Štataŭ, jany musiać być skaročanyja na 15–20%. Da hetaha ciažka pryvyknuć. Darohi ŭ hałoŭnych haradach ZŠA buduć, jak u nas u Rasii. Budzie składanaja pierabudova palusoŭ rostu», — skazaŭ Kudryn.
Pavodle apublikavanaha ŭ studzieni prahnozu biudžetnaha ŭpraŭleńnia Kanhresa ZŠA, biudžetny deficyt ZŠA ŭ 2011 finansavym hodzie moža skłaści $1,48 trłn dalaraŭ (9,8% ad VUP), u toj čas jak pa vynikach 2010 finansavaha hoda jon skłaŭ $ 1,29 trłn (8,9% VUP). Dziejnaja administracyja ZŠA padviarhajecca žorstkaj krytycy za toje, što nie moža dać rady biudžetnamu deficytu i pastajanna pavyšaje ŭzrovień dziaržpazyki, jakaja pieravysiła, pavodle apošnich acenak, $14 trłn.
Asnoŭnaj prablemaj suśvietnaj ekanomiki Kudryn nazvaŭ zachavańnie dysbałansaŭ.
«Asnoŭny dysbałans byŭ źviazany z tym, što ŭ ZŠA, Vialikabrytanii i inšych krainach było vysokaje spažyvańnie i nizkija źbieražeńni. Krainy, što raźvivajucca, mieli vysokija źbieražeńni. Hety dysbałans nie pieraadoleny», — skazaŭ Kudryn.
Prahnazujučy dalejšaje raźvićcio suśvietnaj ekanomiki, jon adznačyŭ, što «ŭ Kitai budzie niekatoraje źnižeńnie tempaŭ rostu. «Tamu Kitaj moža zapavolić i źmienšyć svoj upłyŭ na rost», — padkreśliŭ Kudryn. U suviazi z hetym, pa słovach kiraŭnika rasijskaha Minfina, Rasija maje dobryja stabilnyja pierśpiektyvy rostu pry zachavańni svaich bazavych fundamientalnych pakazčykaŭ.
«Niahledziačy na stareńnie nasielnictva, jakoje budzie dla nas surjoznym vyklikam, u nas sapraŭdy dobryja mahčymaści prajści šlach madernizacyi», — zajaviŭ Kudryn.
-
«Biełaruś — pryhožaja, čystaja, ale jaje dušać kirzavyja boty». Biełaruski paviljon u Vieniecyi staŭ siensacyjaj
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały3
Kamientary