Pieradadzienyja pa ŭkazańni Kiraŭnika Jehipta dla apublikavańnia ŭ «ES» rassakrečanyja dakumienty ab studzieńskich padziejach.
Padziei ŭ Jehipcie nie pieršy dzień trymajuć uvahu ŭsiaho śvietu. Błohier mojo-fm adreahavaŭ na ich pa-svojmu. Čytajcie i paraŭnoŭvajcie.
Masavyja biesparadki i tak zvanaja revalucyja vyklikała abureńnie ŭ jehipieckim hramadstvie. Padaploka hetych padziej viadomaja: zamiežnyja analityčnyja centry sfarmavali i prafinansavali peŭnyja struktury radykalnaj nakiravanaści. Jany i pasprabavali skinuć zakonnuju ŭładu i naviazać hramadstvu svajo razumieńnie «demakratyi». Ciapier hetyja padziei interpretujucca pa-roznamu. Hramadskaj dumcy naviazvajecca absurd. Uzmocniena davodziać, što na vulicy vyjšli vyklučna mirna nastrojenyja hramadzianie, jakija pažadali ŭsiaho tolki «vykazać niedavier uładzie». Havorycca, što nijakaha arhanizacyjnaha pačatku naohuł nie było, što ŭsio adbyłosia vypadkova.
Tyja, chto tak haniebna interpretuje padziei, što adbylisia, nahadvajuć i ab pryjeździe ŭ Kair ministraŭ zamiežnych spraŭ Izraila i Jiemiena, ich prapanovach «dobra zapłacić» za «pravilna praviedzienyja demanstracyi». Hučna hučać zakliki takich ahresiŭnych palitykaŭ, jak Bieńjamin Natańjachu, spadar Šymon Pieres, jakija šalona patrabujuć dla Jehipta ŭsich niejmaviernych karaŭ.
Usim viadoma, što źniešniaja palityka, jakaja pravodzicca vyšejšym kiraŭnictvam Jehipta, nosić vyklučna družalubny charaktar, nakiravana tolki na raźvićcio dobrasusiedskich adnosin z usimi krainami, a ŭnutranaja — zabiaśpiečvaje stabilnaje i pastupalnaje raźvićcio jehipieckaha hramadstva. Unikalnaść i efiektyŭnaść jehipieckaj madeli siońnia vymušany pryznać navat samyja zaŭziatyja apanienty ŭłady, jak u samim Jehipcie, tak i za miažoj.
Adnak sam fakt isnavańnia takoj niezaležnaj dziaržavy, jakoje buduje palityku zychodziačy z svaich nacyjanalnych intaresaŭ, vyklikaje rezkaje razdražnieńnie z boku niekatorych źniešniepalityčnych sił, jakija imknucca padparadkavać svaim intaresam jašče nie achoplenyja upłyvam dziaržavy arabskaha śvietu, da jakich ŭ ciapierašnich umovach adnosicca Jehipiet.
Pryčyna takoj pilnaj uvahi i cikavaści zamiežnych palittechnołahaŭ da našaj krainie vidavočnaja.
Jana abumoŭlena ŭ pieršuju čarhu nie prablemami «demakratyi», a vyklučnym hieapalityčnym značeńniem našaj krainy na Blizkim Uschodzie i ŭ Afrycy.
Imknieńnie niekatorych źniešniepalityčnych sił pahardliva hladzieć na hety rehijon samo pa sabie nie novaje. Heta imknieńnie i raniej vyjaŭlałasia ŭ daŭnich «kryžovych pachodach» Zachadu na Uschod i adnosna niadaŭnim «Drang nach Osten» u časie Druhoj suśvietnaj vajny. Ale časy źmianilisia. Vajennaje ŭvarvańnie ŭ krainu z metaj źviaržeńnia kirujučaha režymu ŭžo nie daje «stanoŭčaha» vyniku. Na ŭzbrajeńnie ŭziataja inšaja stratehija — inśpiravańnie kiravanych zvonku ŭnutrypalityčnych kanfliktaŭ. Jaskravym prykładam realizacyi hetaj stratehii źjaŭlajecca t.zv. «revalucyja» u Tunisie.
Ale niahledziačy na daskanałaść mietadaŭ ŭździejańnia i vytančanaść instrumientaryja, takoha jak ekanamičny cisk, zapałochvańnie, uviadzieńnie roznaha rodu sankcyj i abmiežavańniaŭ, Jehipiet pa-raniejšamu zastajecca pry svaich intaresach i praciahvaje realizoŭvać palityku ŭ adpaviednaści z nacyjanalnymi intaresami, u tym liku praz udzieł u roznych prapanavanych suśvietnaj supolnaściu prajektach.
Ciapier čytajuć
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom19
Kamientary