Sakratar Centralnaj vybarčaj kamisii Mikałaj Łazavik ciapier nia zmoža ŭjechać jašče ŭ dzieviać eŭrapiejskich krainaŭ, jakija dałučylisia da sankcyjaŭ Eŭraźviazu suprać biełaruskaha režymu.Heta — Charvatyja, Makiedonija, Čarnahoryja, Iślandyja (kandydaty ŭ EZ); Albanija, Bośnija i Hiercahavina, Serbija (patencyjalnyja kandydaty ŭ EZ); Lichtenštejn i Narvehija (udzielniki Eŭrapiejskaj ekanamičnaj prastory).
Kamentujučy hetaje rašeńnie dla «Svabody», spadar Łazavik zajaviŭ:
«Ja hetyja sankcyi aceńvaju jak absalutna niepradumanyja, nieracyjanalnyja i, samaje hałoŭnaje, nieabhruntavanyja. Padčas prezydenckaj vybarčaj kampanii Centravybarkam i arhanizatary vybaraŭ byli inicyjatarami demakratyzacyi vybarčaha pracesu. Usie kandydaty ŭ prezydenty mieli mahčymaść svabodna źbirać podpisy, vielmi demakratyčna prajšli rehistracyja kandydataŭ i ahitacyjnaja kampanija.
I ŭ padziaku za ŭsio heta — arhanizatary vybaraŭ apynulisia ŭ śpisie nieŭjaznych. Lohiki nijakaj nia baču. U mianie heta vyklikaje ździŭleńnie, vialikaje abureńnie. U svoj čas u mianie ŭ paryvie emocyjaŭ vyrvałasia słova — eŭradebilizm. Siońnia ja dźviuma tłustymi ryskami padkreślivaju hetaje vykazvańnie. Heta samy sapraŭdny debilizm čynoŭnikaŭ, jakija prymali takoje rašeńnie».
U studzieni hetaha hodu Eŭraźviaz uvioŭ sankcyi — vizavyja zabarony i zamarožvańnie aktyvaŭ — u dačynieńni da hrupy słužbovych asobaŭ Biełarusi, adkaznych za parušeńnie demakratyčnych standartaŭ na prezydenckich vybarach 19 śniežnia 2010 dy za pieraśled apazycyi i hramadzianskaj supolnaści».
Byłoha supracoŭnika kontrraźviedki KDB aryštavali za zdradu dziaržavie9
Kamientary