Marskoje ŭźbiarežža la Śmilcinie ŭsio ŭsiejanaje drobnaj dochłaj rybaj. «Takoha my jašče nie bačyli», — žachajucca śpiecyjalisty.
Jość aściarohi, što ryba, jakuju ludzi źbirajuć na litoŭskim uźbiarežžy, moža trapić na rynak.
Źjava ździviła nie tolki śpiecyjalistaŭ u halinie pryrodaachovy. Daśledavać dochłuju rybu pajechaŭ i dyrektar Łabaratoryi rybavodstva Šarunas Talušys.
«My ŭziali ŭzory, pasprabujem vyśvietlić, u čym sprava», — skazaŭ jon.
Rybu na ŭčastku praciahłaściu bolš za kiłamietr vyjavili ichtyjołahi Marskoha muzieja.
«Bałtyjski šprot — heta nie taja ryba, jakaja vykidvajecca na bierah. Nikoli jašče nie było zaŭvažana takoha masavaha moru ryby hetaha vidu «, — skazaŭ śpiecyjalist Marskoha muzieja Remihijus Dajlide.
Ichtyjołahaŭ asabliva ździviŭ toj fakt, što kłajpiedčanie źbirali rybu ŭ skryni i zvozili jaje.
23 sakavika ŭ druhoj pałovie dnia supracoŭniki Kłajpiedskaha adździaleńnia
«Abaviazkova treba papiaredzić ludziej, kab jany nie sprabavali kuplać i ŭžyvać hetuju rybu ŭ ježu. Pakul niezrazumieła, čamu takaja kolkaść dochłaj ryby apynułasia na bierazie», — skazaŭ pradstaŭnik słužby Virhinijus Hajlus.
Talušys, ahledzieŭšy ŭźbiarežža, vykazaŭ niekalki viersij ekałahičnaha niaščaścia.
«Na maju dumku, heta moža być ryba z rybałoŭnaha trała. Ź inšaha boku, ja nie vyklučaju, što štorm, jaki byŭ u paniadziełak, moh zmyć ułoŭ z sudna», — skazaŭ jon.
Ichtyjołahi ž ličać, što ryba z trała nie mahła trapić na ŭźbiarežža.
«Hetuju rybu łoviać za dziasiatki kiłamietraŭ ad bieraha. Na maju dumku, ryba nie paškodžanaja. Jakim pavinien być trał, kab u jaho ŭlezła 5 abo 10 ton ryby?» — skazaŭ Dajlide.
Na pavierchni mora śpiecyjalisty vyjavili i žyvuju rybu hetaha vidu.
«Miarkuju, što heta byli samki. Adnoj ź viersij moža być i chimičnaje atručańnie. Abo niešta vylili, abo amijakam atrucili», — vykazaŭ zdahadku Dajlide.
Talušys ža abviarhaje viersiju chimičnaha ŭździejańnia, bo na ŭźbiarežža vykinuła rybu tolki adnaho vyhladu.
Pakul pryčyny hetaj dziŭnaj źjavy nie vyśvietlenyja, niajasna i toje, jakaja sa słužbaŭ pavinnaja zaniacca pryviadzieńniem uźbiarežža ŭ paradak.
«Usio budzie tuchnuć, i, viadoma, budzie zabrudžańnie, uźbiarežža treba abaviazkova pryvieści ŭ paradak», — skazali śpiecyjalisty.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary