Łukašenka zapatrabavaŭ maksimalna paskoryć stvareńnie novych bulbaschoviščaŭ
Alaksandr Łukašenka padčas rabočaj pajezdki ŭ Minskuju vobłaść 1 krasavika «zapatrabavaŭ maksimalna paskoryć rabotu pa stvareńni ŭ Biełarusi novych bulbaschoviščaŭ, u pieršuju čarhu za košt rekanstrukcyi pustych pamiaškańniaŭ i tych, što nieefiektyŭna vykarystoŭvajucca», paviedamiła
Zachoŭvać uradžaj bulby ŭ burtach, dzie straty dasiahajuć 30–40%, u sučasnych umovach niedapuščalna, zajaviŭ Łukašenka. «Majo patrabavańnie było źviazanaje pierš za ŭsio z tym, što bieshaspadarča vykarystoŭvajecca mnostva pamiaškańniaŭ. Pa krainie takich mora — i ŭ Minsku, i ŭ inšych miescach. Treba davieści da rozumu toje, što jość, — skazaŭ jon. — A vy mnie miljardy vykočvajecie [na budaŭnictva novych bulbaschoviščaŭ]. Miljardaŭ nie budzie».
U pytańni ekspartu sielhaspradukcyi Łukašenka «zaryjentavaŭ Minsielhascharč na zaklučeńnie doŭhaterminovych kantraktaŭ». «Treba sioleta zaklučyć doŭhaterminovyja dahavory pa pastaŭcy bulby, — zajaviŭ jon. — Heta Maskva, Picier, Rasija, častka Ukrainy, i nam chopić. My ž nie budziem biaskonca pašyrać pasievy bulby. Treba na aptymalnyja abjomy zaklučyć doŭhaterminovyja dahavory».
Łukašenka papiaredziŭ, što ŭsie pryciahnutyja kredytnyja resursy sielhasarhanizacyjam pryjdziecca viartać, dziaržava ich śpisvać nie budzie.
Pavodle infarmacyi Minsielhascharča, sioleta płanujecca atrymać u sielskahaspadarčych arhanizacyjach i sialanskich (fiermierskich) haspadarkach 1,5 młn. t bulby, ź jakich bolš za 430 tys. t možna budzie nakiravać na ekspart.
Ciapier u sielskaj haspadarcy jość bulbaschoviščy jomistaściu 231,3 tys. t. U metach vyklučeńnia zachoŭvańnia bulby ŭ burtach praduhledžana pabudavać i rekanstrujavać u sielhasarhanizacyjach i fiermierskich haspadarkach bulbaschoviščy jomistaściu 356,2 tys. t.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju5
Kamientary